Vazirlar Mahkamasining qarori bilan Sobir Shukurov Ma’naviyat va davlat tilini rivojlantirish masalalari departamenti mudiri lavozimiga tayinlandi, deb xabar beradi O‘zA.
Sobir Shukurov 1973-yil 26-aprel kuni Samarqand viloyati, Kattaqo‘rg‘on tumanida tug‘ilgan. 1997-yilda Toshkent davlat universitetini, 2010-yilda O‘zbekiston prezidenti huzuridagi Davlat va jamiyat qurilishi akademiyasini tamomlagan.
2011—2017-yillarda Vazirlar Mahkamasi apparati Axborot tizimlari va telekommunikatsiyalar masalalari axborot-tahlil departamentining bosh mutaxassisi, 2017—2019-yillarda O‘zbekiston Matbuot va axborot agentligi bosh direktorining birinchi o‘rinbosari lavozimlarida ishlagan. Tayinlovga qadar Sobir Shukurov O‘zbekiston Milliy axborot agentligi — O‘zA bosh direktorining birinchi o‘rinbosari lavozimida ishlab kelayotgandi.
Eslatib o‘tamiz, departament prezidentning 2019-yil 21-oktabrdagi PF-5850-son farmoniga asosan tashkil etilgan. Shu kungacha departamentga Abdug‘affor Qirg‘izboyev rahbarlik qilib kelayotgan edi.
Izoh (0)