Bugun,

  • USD 11095.31
  • RUB 173.84
  • EUR 10772.44

Bosh vazir Abdulla Aripov barcha vazirliklar, idoralar va tashkilotlar, shuningdek, Qoraqalpog‘iston Vazirlar kengashi, Toshkent va viloyatlar hokimliklariga lotin yozuviga asoslangan o‘zbek alifbosiga o‘tishni tezlashtirish bo‘yicha topshiriq berdi. Tegishli hujjat 1-iyul kuni imzolangan, deb xabar beradi “Gazeta.uz”.

Foto: “Daryo” / Madina Nurman

Foto: “Daryo” / Madina Nurman

Vazirlar Mahkamasining 2021-yil 10-fevraldagi qarori bilan lotin alifbosiga to‘liq bosqichma-bosqich o‘tish bo‘yicha “yo‘l xaritasi” tasdiqlangan edi. Unga ko‘ra, hozirda kirill alifbosida yuritiladigan barcha joy va ko‘cha nomlari, atamalar, tashkilotlarning nomlari, peshlavhalar, ommaviy targ‘ibot vositalari, reklama va e’lonlar, ish qog‘ozlari va turli blanklar 2022-dekabriga qadar lotin grafikasiga o‘tkazilishi belgilangan.

Biroq bosh vazir qaroriga ko‘ra, O‘zbekiston mustaqilligining 30 yilligi munosabati bilan ushbu vazifani 2021-yilning 1-avgustiga qadar bajarish topshirilgan.

“Reklama to‘g‘risida”gi qonunning 5-moddasiga ko‘ra, O‘zbekiston hududida reklama davlat tilida yoki reklama beruvchining xohishiga ko‘ra boshqa tillarda tarqatiladi. Belgilangan tartibda ro‘yxatga olingan tovar belgilari (xizmat ko‘rsatish belgilari), bosma usulda terilgan bo‘g‘inli belgilar (logotiplar) asli qaysi tilda bo‘lsa, shu tilda keltirilishi mumkin.

Eslatib o‘tamiz, “ ‘Lotin yozuviga asoslangan o‘zbek alifbosini joriy etish to‘g‘risida’gi qonunga o‘zgartirishlar kiritish haqida”gi qonun loyihasi 2021-yil 16-mart kuni jamoatchilik muhokamasi uchun e’lon qilingan va u 31-mart kuni yakunlangandi. Keyinroq Davlat tilini rivojlantirish departamenti matbuot xizmati ushbu hujjat muhokamasi 2021-yil 1-noyabrga qadar davom ettirilishini ma’lum qilgan edi.

Izoh
Asosiy yangiliklar
Dunyo
General Pyotr Pavel Chexiyaning yangi prezidenti etib saylandi
Dunyo
Amerikadagi rus mafiyasi boshlig‘iga aylanib, Rossiyada o‘lim topgan “qonundagi o‘g‘ri” — “Yaponchik”. Kun xronologiyasida 29-yanvar
Mahalliy
“O‘tgan yil davomida ichki ishlar xodimlari bilan bog‘liq 644 ta salbiy video tarqalgan” — Shohrux G‘iyosov