2022 йилдан бошлаб фермер хўжаликларини биржага чиқариб, ишлашни ўргатиш мақсадида 500 минг тонна ғалла давлат томонидан текинга сақлаб берилади. Бу ҳақда 19 май куни АОКАда бўлиб ўтган матбуот анжуманида Қишлоқ хўжалигини давлат томонидан қўллаб-қувватлаш жамғармаси директори Абдурашид Исроилов айтиб ўтди, деб хабар бермоқда «Дарё» мухбири.
Унинг айтишича, 2022 йилда об-ҳаво яхши келгани ҳисобига ҳамма ўз имкониятидан келиб чиқиб, ўзининг омборларида ғалла маҳсулотларини сақлайди.
Лекин бу йил шундай тартиб ўрнатиляптики, фермер хўжаликларини биржага чиқариб, ишлашни ўргатиш мақсадида 500 минг тонна ғалла давлат томонидан текинга сақлаб берилади. Шунингдек, фермер хўжалиги даласидан сақлаб бериш бўйича агентимизнинг хирмонига олиб киришда йўл кираларигача тўлаб берилади. Бу дегани, фермер хўжаликлари фақат даладан ўриб берса, давлат томонидан хирмонда сақлаб берилади.«Ўздонмаҳсулот» АК бошқарув раисининг биринчи ўринбосари Фахриддин Мусаевнинг айтишича, 2022 йил ҳосилидан етиштириладиган 2 550 минг тоннани 500 минг тоннаси ғалла етиштирувчи фермернинг кластерлари вақтинчалик сақлаш учун дон корхоналарида ҳозирги кунда 4 миллион тонналик ёпиқ сиғимларидан иборат.Сақлаб берганда фермернинг қўлига вақтинча сақлаб бериш бўйича далолатнома тақдим этилади. Шу далолатномани кўрсатган ҳолда биржага қўйиб, ўша турган омборнинг манзилини кўрсатиб, ўзининг маҳсулотини сотаверади фермер хўжалиги. Бу бўйича семинарлар Товар-хом ашё биржаси томонидан ташкиллаштирилган, ҳудудларда семинарлар бўлиб ўтяпти. Энди асосий масала – сақлаб берганимиздан кейин уни сотишда маҳсулотни сотиб олган тадбиркор келиб ўша манзилда, ўша фермернинг сақлаш далолатномасини бериб, ортиб олиб чиқиб кетиши мумкин. Ортиб беришигача текин, давлат томонидан қоплаб берилади. Буларнинг барчаси ҳисоб-китоб қилинган.
Қишлоқ хўжалигини давлат томонидан қўллаб-қувватлаш жамғармаси директори Абдурашид Исроилов
Бундан 178 та лаборатория, 274 та темир йўл ва автомобиль тарозилари, 78 та ағдаргичлар, 110 та дон тозалаш машиналари мавжуд.
Шунингдек, фермер, деҳқон хўжаликлари ва томорқа ер эгалари кенгаши масъул ходими Чорихон Қодиров турли ташкилотлар, ҳокимиятлар томонидан фермер ва деҳқонларнинг буғдой маҳсулотларини мажбурий олиб қўйиш ҳолатлари ҳақида ҳам тўхталиб ўтди.
«Фермер хўжаликлари томонидан етиштирилган маҳсулотни мажбурий тарзда олиб қўйишга йўл қўйиладиган тақдирда биринчи навбатда давлат органи ҳисобланадиган – прокурорлик назорати ўрнатилган. Биз ишонамизки, прокуратура органлари томонидан президентнинг бу борада берган топшириғи бесамар кетмайди. Бу соҳада прокурорлик назорати билан бир вақтнинг ўзида Республика фермер хўжаликлар ва томорқа ер эгалари кенгашлари жамоатчилик назоратини биргаликда олиб борамиз. Ўйлаймизки, биз ҳозирги кунда бу масалада собитқадам бўлиб турибмиз. Биз жамоатчилик назоратини ҳам ўрнатамиз», — дейди у.
Изоҳ (0)