Sirdaryo viloyatining Sardoba tumanida mahalladoshining tilla taqinchoqlari, ko‘p miqdordagi pul va moddiy boyliklarini o‘marishni maqsad qilgan shaxs bir ayolning o‘limiga sababchi bo‘ldi, deb xabar beradi O‘zA.
Ma’lum qilinishicha, muqim ish joyiga ega bo‘lmagan sardobalik B.T. ichkilikka ruju qo‘yib, o‘g‘irlikni odat qilgan. U avvalo mahalladoshlarining uyiga o‘g‘irlikka tushishni rejalashtirgan.
Jumladan, ayblanuvchi tunda fuqaro G.ning uyiga deraza orqali kirib, uxlab yotgan ayolning bo‘ynida tilla taqinchoqni yechib olmoqchi bo‘lgan. Bu vaqt jabrlanuvchi uyg‘onib ketgan, o‘g‘ri esa unga pichoq sanchgan. Oqibatda ayol voqea joyida vafot etgan.
Mazkur jinoyat ishida sudya M.Omonov to‘plangan dalillar, sudga oid ekspertiza xulosalari va guvohlarning ko‘rsatmalarini o‘rgangan, sudlanuvchining aybiga iqrorlik so‘zini ham tinglagan. Mavjud dalillar B.T.ning aybdor ekanligini to‘liq isbotlagan.
Shuningdek, sud majlisida mazkur jinoyatning sabablari va keltirib chiqqan omillari ham muhokama qilingan. Sud hukmiga ko‘ra, sudlanuvchiga 20 yil muddatga ozodlikdan mahrum qilish jazosi tayinlandi.
Avvalroq Samarqandda yigit folbin va uning qizini o‘ldirgani, Toshkentda qaynona uch nafar farzandi bor kelinini pichoqlab qo‘ygani, Buxoroda maktab o‘quvchisi qotillikka qo‘l urgani to‘g‘risida xabar berilgandi.
Mavzuga doir:
- Andijonda otasini haqoratlagan qo‘shnisini pichoqlab o‘ldirgan erkak ushlandi
- Samarqandda 23 yoshli yigit tanish qizi bilan tunda mashinada o‘tirganida xalaqit bergan erkakni pichoqlab o‘ldirdi
- Jizzaxda 45 yoshli cho‘pon mast holda ikki sherigini pichoqlab o‘ldirdi
- Andijonda 43 yoshli fuqaro qo‘shnisi bilan janjallashib, uni pichoqlab o‘ldirdi
Izoh (0)