Bugun,

  • USD 11095.31
  • RUB 173.84
  • EUR 10772.44

Samarqand viloyatida yer resurslarini talon-toroj qilish bilan bog‘liq holat aniqlandi. Bu haqda viloyat Ichki ishlar boshqarmasi xabar qildi.

Qayd etilishicha, Samarqand viloyat IIB boshlig‘i nomiga fuqaro ariza bilan murojaat qilgan. Unda issiqxona tashkil qilish hamda parrandachilik bilan shug‘ullanish maqsadida Urgut tumani hududidan yer olish uchun Urgut tumani “Qoranayman” MFYda yashovchi X. ismli shaxs bilan tanishib qolganini bildirgan. X. ismli shaxsning 0,32 gektar suvli yer maydoni borligini aytib, ushbu yer maydonini 25 ming dollarga sotib olishga kelishganini hamda yerni uning nomiga Urgut tumani Kadastr bo‘limida ishlovchi R.X. orqali rasmiylashtirib berishini aytganini yozgan. X. buning evaziga qo‘shimcha 6 million so‘m pullarni talab qilib kelayotganligini bildirib, ularga nisbatan qonuniy chora ko‘rishni so‘ragan.

Arizaga asosan, 14-may kuni Samarqand tumani “Jo‘yi Abbos” mahallasida tezkor tadbir o‘tkazilgan. Tadbir davomida X. ariza muallifidan 25 ming dollar va 6 million so‘m miqdoridagi pullarni olgan vaqtida ashyoviy dalillar bilan qo‘lga olingan.

Holat yuzasidan tergovga qadar tekshirish harakatlari olib borilmoqda.

Izoh
Asosiy yangiliklar
Dunyo
Gaagada Ukrainaning Rossiyaga qarshi da’vosi yuzasidan tarixiy sud bo‘lib o‘tmoqda
Mahalliy
Toshkent viloyatida 5 yoshli bola kanalda oqib ketdi
Sport
“Yuventus” Superliga loyihasidan chiqishini e’lon qildi. Klubga UEFA bosim qilgani aytilmoqda