“Xalqaro tijorat arbitraji to‘g‘risida”gi qonun qabul qilingani munosabati bilan Iqtisodiy protsessual kodeksiga o‘zgartish va qo‘shimchalar kiritildi. Bu haqda Telegram’dagi “Huquqiy axborot” kanali xabar qildi.
Qayd etilishicha, kodeksga arbitr tushunchasi kiritilib, arbitraj muhokamasi bilan bog‘liq ishlar, jumladan, arbitrni tayinlash, arbitrajning hal qiluv qarorini tan olish va ijroga qaratish to‘g‘risidagi ishlar muhokamasi ko‘rilishi belgilangan.
Shuningdek, arbitrlar, arbitraj tarkibi tomonidan tayinlangan ekspertlar, arbitraj muassasasining xodimlari, hakamlik sudyalari — arbitraj yoki hakamlik muhokamasi davomida o‘zlariga ma’lum bo‘lib qolgan holatlar to‘g‘risida guvoh sifatida chaqirilishi va so‘roq qilishi mumkin emasligi belgilangan.
Endilikda arbitraj sudida ko‘rilayotgan da’voni ta’minlash choralari arbitraj muhokamasi tarafining arizasiga ko‘ra iqtisodiy sud tomonidan ko‘rilishi mumkin bo‘ladi.
Qonun bilan arbitraj muhokamasi bilan bog‘liq ishlarni yuritish tartibi qayd etilgan.
Shuningdek, Qonun bilan “Davlat boji to‘g‘risida”gi qonunga kiritilgan o‘zgartish va qo‘shimchalarga ko‘ra, arbitrajning hal qiluv qarori ustidan shikoyat qilish to‘g‘risidagi arizalardan BHMning 2 baravari (540 000 so‘m) miqdorida davlat boji undiriladi.
Mavzuga doir:
- Toshkentda hakamlik sudlari sudyasi pora bilan qo‘lga tushgani haqidagi xabarlar rad etildi
- Sudlar tizimida yagona darcha tamoyili joriy etilishi belgilanmoqda
- Senat tomonidan jinoiy faoliyatdan olingan daromadlarni legallashtirishga qarshi kurashish tartibi haqidagi qonunga o‘zgartirish kiritish rad etildi
Izoh (0)