Ukrainadagi urush yosh bolalar o‘rtasida to‘yib ovqatlanmaslikning “halokatli” to‘lqinini kuchaytirmoqda, deya ogohlantirdi Birlashgan Millatlar Tashkilotining bolalar agentligi.
Ukrainadagi urush to‘yib ovqatlanmaslikdan aziyat chekayotgan bolalar uchun davolanish narxini oshirmoqda, bu immunitet tizimini zaiflashtiradigan to‘yib ovqatlanmaslikning hayotga xavf tug‘diradigan shakli.
Urush natijasida xomashyolar narxining keskin oshishi tufayli keyingi olti oy ichida ozuqaviy va energiyaga boy pasta 16 foizgacha ko‘tariladi.
Dunyo bo‘ylab besh yoshgacha bo‘lgan 13,6 mlnga yaqin bola to‘yib ovqatlanmaslikdan aziyat chekmoqda va ularning kamida 10 mlni eng davolanish imkoniyatiga ega emas.
Hindiston eng ko‘p zarar ko‘rgan davlat bo‘lib, besh yoshgacha bo‘lgan 5,8 mlnga yaqin bola to‘yib ovqatlanmaslikdan aziyat chekmoqda.
Undan keyin Indoneziya (813 ming), Pokiston (679 ming), Nigeriya (483 ming) va Bangladesh (328 ming).
Agentlikning ta’kidlashicha, xarajatlarning oshishi qo‘shimcha 600 ming nafar bolani davolanishdan mahrum qilishi mumkin.
300 million dollar. Yordamga muhtoj bo‘lgan har bir og‘ir to‘yib ovqatlanmaydigan bolaga ko‘mak berish uchun shuncha pul kerak bo‘ladi, — deydi YUNISEF.Bu ko‘rsatkich bir yil ichida rivojlanishga qaratilgan jami xorijiy yordamning atigi bir qismi – 0,1 foizni tashkil etadi.
Yordam juda kam va kelgusi yillarda bu ham keskin kamayishi kutilmoqda.Ukrainadagi urush yaqin kelajakda global oziq-ovqat xavfsizligiga ham ta’sir qilishi, iqlim o‘zgarishi va pandemiyani yanada kuchaytirishi kutilmoqda.
Ukraina asosiy makkajo‘xori ishlab chiqaruvchisi bo‘lib, Rossiya bilan birgalikda jahon bug‘doy eksportining qariyb uchdan bir qismini va kungaboqar yog‘ining 60 foizini ishlab chiqaradi.
Urush Ukrainada ichki oziq-ovqat inqirozini keltirib chiqardi va uning qishloq xo‘jaligi salohiyatiga ta’sir qildi.
Avvalroq Rossiya urushi Osiyoda ochlikni keltirib chiqarayotgani haqida xabar berilgan edi.
Izoh (0)