Mahalliy hukumat o‘tgan yili mamlakatda mayningni taqiqlaganidan keyin ham Xitoy umumiy global bitkoin tarmog‘i xeshreytining 21 foizdan ortig‘ini tashkil etmoqda. Bu haqda RBK xabar berdi.
Kembrij muqobil moliya markazining yangi hisobotiga ko‘ra, Xitoydagi maynerlar 2022-yil yanvar oyida global xeshreyt taqsimotining 21,1 foizini tashkil etgan.
O‘rnatilgan cheklovlarga qaramay, Xitoy hukumati mamlakatda mayningni to‘liq to‘xtata olmadi.
2019-yilda Xitoy dunyodagi eng yirik bitkoin ishlab chiqaruvchi davlat bo‘ldi va mahalliy BTC xeshreyti 75 foizdan ortiqni tashkil etdi.
2021-yilning yozida Xitoyda mayning va kriptovalyuta operatsiyalari rasmiy taqiqlanganidan keyin mamlakatdagi xeshreyt 0 foizga tushdi. Biroq, atigi olti oy o‘tgach, ko‘rsatkich 20 foizdan ko‘proq tiklandi.
2021-yil iyul oyida Xitoyning Davlat energetika korporatsiyasi mamlakatning barcha hududlarida har qanday kriptovalyuta mayningi uchun elektr energiyasidan foydalanishni rasman taqiqlagan.
Bu esa maynerlarning xorijga ketishiga olib keldi.
Keyinroq Xitoy Xalq banki tomonidan raqamli yuanning ishga tushirilishi munosabati bilan kriptovalyutalar bilan operatsiyalarni taqiqlash ham joriy etildi.
Avvalroq O‘zbekistonda jismoniy shaxslarga kriptovalyuta mayningi bilan shug‘ullanish taqiqlangani haqida xabar berilgan edi.
Izoh (0)