Украинадаги уруш ёш болалар ўртасида тўйиб овқатланмасликнинг «ҳалокатли» тўлқинини кучайтирмоқда, дея огоҳлантирди Бирлашган Миллатлар Ташкилотининг болалар агентлиги.
Украинадаги уруш тўйиб овқатланмасликдан азият чекаётган болалар учун даволаниш нархини оширмоқда, бу иммунитет тизимини заифлаштирадиган тўйиб овқатланмасликнинг ҳаётга хавф туғдирадиган шакли.
Уруш натижасида хом ашёлар нархининг кескин ошиши туфайли кейинги олти ой ичида озуқавий ва энергияга бой паста 16 фоизгача кўтарилади.
Дунё бўйлаб беш ёшгача бўлган 13,6 млнга яқин бола тўйиб овқатланмасликдан азият чекмоқда ва уларнинг камида 10 млни энг даволаниш имкониятига эга эмас.
Ҳиндистон энг кўп зарар кўрган давлат бўлиб, беш ёшгача бўлган 5,8 млнга яқин бола тўйиб овқатланмасликдан азият чекмоқда.
Ундан кейин Индонезия (813 минг), Покистон (679 минг), Нигерия (483 минг) ва Бангладеш (328 минг).
Агентликнинг таъкидлашича, харажатларнинг ошиши қўшимча 600 минг нафар болани даволанишдан маҳрум қилиши мумкин.
300 миллион доллар. Ёрдамга муҳтож бўлган ҳар бир оғир тўйиб овқатланмайдиган болага кўмак бериш учун шунча пул керак бўлади, — дейди ЮНИСЕФ.Бу кўрсаткич бир йил ичида ривожланишга қаратилган жами хорижий ёрдамнинг атиги бир қисми – 0,1 фоизни ташкил этади.
Ёрдам жуда кам ва келгуси йилларда бу ҳам кескин камайиши кутилмоқда.Украинадаги уруш яқин келажакда глобал озиқ-овқат хавфсизлигига ҳам таъсир қилиши, иқлим ўзгариши ва пандемияни янада кучайтириши кутилмоқда.
Украина асосий маккажўхори ишлаб чиқарувчиси бўлиб, Россия билан биргаликда жаҳон буғдой экспортининг қарийб учдан бир қисмини ва кунгабоқар ёғининг 60 фоизини ишлаб чиқаради.
Уруш Украинада ички озиқ-овқат инқирозини келтириб чиқарди ва унинг қишлоқ хўжалиги салоҳиятига таъсир қилди.
Аввалроқ Россия уруши Осиёда очликни келтириб чиқараётгани ҳақида хабар берилган эди.
Изоҳ (0)