Маҳаллий ҳукумат ўтган йили мамлакатда майнингни тақиқлаганидан кейин ҳам Хитой умумий глобал биткоин тармоғи хешрейтининг 21 фоиздан ортиғини ташкил этмоқда. Бу ҳақда «РБК» хабар берди.
Кембриж муқобил молия марказининг янги ҳисоботига кўра, Хитойдаги майнерлар 2022 йил январь ойида глобал хешрейт тақсимотининг 21,1 фоизини ташкил этган.
Ўрнатилган чекловларга қарамай, Хитой ҳукумати мамлакатда майнингни тўлиқ тўхтата олмади.
2019 йилда Хитой дунёдаги энг йирик биткоин ишлаб чиқарувчи давлат бўлди ва маҳаллий BTS хешрейти 75 фоиздан ортиқни ташкил этди.
2021 йилнинг ёзида Хитойда майнинг ва криптовалюта операциялари расмий тақиқланганидан кейин мамлакатдаги хешрейт 0 фоизга тушди. Бироқ атиги олти ой ўтгач, кўрсаткич 20 фоиздан кўпроқ тикланди.
2021 йил июль ойида Хитойнинг Давлат энергетика корпорацияси мамлакатнинг барча ҳудудларида ҳар қандай криптовалюта майнинги учун электр энергиясидан фойдаланишни расман тақиқлаган.
Бу эса майнерларнинг хорижга кетишига олиб келди.
Кейинроқ Хитой Халқ банки томонидан рақамли юаннинг ишга туширилиши муносабати билан криптовалюталар билан операцияларни тақиқлаш ҳам жорий этилди.
Аввалроқ Ўзбекистонда жисмоний шахсларга криптовалюта майнинги билан шуғулланиш тақиқлангани ҳақида хабар берилган эди.
Изоҳ (0)