21-mayda Hyatt Regency Tashkent’da yetakchi mahalliy va xorijiy ekspertlar, marketologlar va yirik kompaniyalar top-menejerlari chiqish qiladi, O‘zbekiston sharoitida samarali ishlovchi marketing vositalari to‘g‘risidagi amaliy tajribalari bilan o‘rtoqlashadi. Forum ishtirokchilari bozor ekspertlaridan dolzarb bilimlarni olishadi va ularni o‘z bizneslari va professional o‘sishlari uchun qo‘llay olishadi.
Forumga O‘zbekiston, Italiya, Sloveniya, Qozog‘iston, Rossiyadan ekspertlar taklif etilgan. Spikerlar shaxsiy tajribalari bilan o‘rtoqlashadi va strategiya, biznesning qanday rivojlanishi to‘g‘risida qimmatli maslahatlarini berishadi.
Forum tashkilotchisi, O‘zbekiston marketing uyushmasi boshqaruvi raisi Diyor Mirzaahmedovning fikriga ko‘ra, bu yil to‘rtinchi bor o‘tkazilayotgan forumning asosiy vazifasi — har yilgi, allaqachon an’anaga aylanishga ulgurgan formatni qo‘llab-quvvatlash. Yilda bir marta real tajriba va bilimga ega bo‘lgan mahalliy va xorijiy ma’ruzachilar mahalliy eng faol marketologlar hamda tadbirkorlar bilan uchrashishadi, o‘zlarining real keyslari va o‘tgan yildagi kuzatuvlarini hamkasblari hamda boshlovchi mutaxassislar bilan baham ko‘rishadi. Bu yil forumning asosiy mavzusi strategiya etib tanlangani bejiz emas, chunki marketingda aynan u katta ahamiyatga ega, to‘g‘ri ishlab chiqilgan strategiya brendlarga biznesni samarali va izchil, bozor o‘zgarishlariga qaramay rivojlantirish imkonini beradi.
Bu yil birinchi marta forum uch tilda: ingliz, o‘zbek va rus tillarida o‘tadi. Bundan tashqari, dunyoning istalgan mamlakatidan qatnashish imkoniyatini yaratish uchun gibrid ishtirok formati qo‘llaniladi, u o‘tgan yili o‘zini ijobiy namoyon qila oldi. Bu forumda onlayn qatnashish ham mumkinligini anglatadi. Forumning barcha tadbirlarining jonli translyatsiyasini Beeline TV amalga oshiradi. An’anaga ko‘ra, ma’ruzachilarning barcha chiqishlari bir oydan keyin YouTube’dagi “Makon Marketing” kanalida e’lon qilinadi.
“Makon Marketing Forum 2022” ma’ruzachilari:
- Aynura Xudayberdiyeva, “Ishonch” kompaniyasi marketing direktori (O‘zbekiston);
- Ilya Balaxnin, Paper Planes boshqaruvchi hamkori (Rossiya);
- Viktor Yeliseyev, Select Communication Group rahbari (Qozog‘iston);
- Azizbek Yusufov, Mirror Management marketing komunikatsiyalari agentligi boshqaruvchi hamkori (O‘zbekiston);
- Malik Karimov, Korzinka supermarketlar tarmog‘i marketing rahbari;
- Shohruh Nizamutdinov, FCB Artgroup kreativ agentligi boshqaruvchi hamkori va kreativ direktori (O‘zbekiston);
- Samir Axmetzyanov, Reformat consulting agency marketolog strategi (O‘zbekiston);
- Tatyana Ravalli, FCB Artgroup mintaqaviy strategik direktori (Italiya);
- Svyatoslav Biryulin, Sapiens Consulting rahbari (Sloveniya);
- Farhod Komilov, InMarketing kompaniyasi rahbari (O‘zbekiston);
- Roman Maslennikov, Vzrivnoy PR agentligi direktori (Rossiya);
- Umid Ergashev, Division marketing agentligi direktori (O‘zbekiston);
- Aziz Lutfullayev, Division marketing agentligi boshqaruvchi hamkori (O‘zbekiston).
Forum arafasida 20-mayda marketing klubining yig‘ilishi bo‘lib o‘tadi, unda case study formatida Division marketing agentligi asoschilari Aziz Lutfullayev, Umid Ergashev va Reformat Consulting Agenсy marketolog strategi Samir Axmetzyanov “Havas” va “Anorbank” keyslari bilan chiqish qiladi. Shuningdek, “O‘zbekiston xususiyatlarini hisobga olgan holda zamonaviy dunyodagi biznes strategiyasi” mahorat sabog‘i bilan Sapiens Consulting rahbari, sloveniyalik ekspert Svyatoslav Biryulin qatnashadi.
22-mayda Hyatt Regency Tashkent’da bir vaqtda uchta mahorat sabog‘i bo‘lib o‘tadi. Ilya Balaxnin — Paper Planes konsalting agentligi boshqaruvchi hamkori (Rossiya) marketing strategiyasi haqida batafsil so‘zlab beradi, Roman Maslennikov — Vzrivnoy PR agentligi rahbari (Rossiya) “portlatuvchi piar”ni qanday yaratish haqida hikoya qiladi, Inmarketing kompaniyasi rahbari Farhod Komilov digital marketingning bu yilgi trendlari to‘g‘risida so‘zlab beradi.
Forumni Beeline TV jonli translyatsiyasi orqali dunyoning istalgan nuqtasidan tomosha qilish mumkin bo‘ladi. Bu esa ushbu talabgir va dolzarb kontentdan foydalanish borasida mamlakatimizdan yiroqda bo‘lgan va O‘zbekistondagi biznes va marketing dolzarb masalalari to‘g‘risida bilishni istaganlarda hech qanday geografik, vaqt yoki boshqa cheklovlar bo‘lmasligini anglatadi.
“Makon Marketing Forum 2022” avvalo professionallarning olg‘a yurishi uchun zarur bo‘lgan faol muloqoti, turli g‘oyalar va fikrlarni ifodalash maydoni demakdir. Bu bir kunga marketingning eng samarali vositalari olamiga sho‘ng‘ish va industriyaning dolzarb tendensiyalari haqida xabardor bo‘lish imkoniyatidir.
“Makon Marketing Forum 2022”da qatnashish har kimga rivojlanishning yangi istiqbollarini ko‘rish va samarali marketing vositalari to‘g‘risidagi olingan bilimlarini amaliyotda qo‘llashda yordam berishiga amindir va Markaziy Osiyodagi yagona va eng keng ko‘lamli tarmoq tadbirini faol qo‘llab-quvvatlashga chorlaydi.
Biznes forum faoliyati yakunlanishi bilan “2021-yil brendi” V mukofoti g‘oliblarini tantanali taqdirlash marosimi o‘tkaziladi, unda ochiq xalqona ovoz berish va uyushma ekspertlari hamda hamkorlarining ovoz berishi g‘oliblari e’lon qilinadi.
Bu yil iste’molchilarning ochiq ovoz berishi makon_brand_bot Telegram-botida o‘tdi va barcha ishtirokchilar tomonidan faol qo‘lab-quvvatlandi. Bir oy davomida ovoz berishda 335 mingdan ziyod iste’molchi qatnashdi, ular 25 ta nominatsiyada 230 ta brendga ovoz berishdi.
“2021-yil brendi” mukofotining 25 ta nominatsiyasi g‘oliblaridan tashqari, 21-maydagi marosimda “Yil shaxsi”, “O‘zbekiston marketingi rivojiga qo‘shgan hissasi uchun” va “Yil kashfiyoti” kabi maxsus sovrinlar ham taqdim etiladi.
Forum tashkilotchilari: O‘zbekiston Respubliksi Monopoliyaga qarshi kurashish qo‘mitasi, O‘zbekiston marketing assotsiatsiyasi.
Bosh hamkor: “Agrobank”
Forum dasturi marketing.uz saytida
https://marketing.uz/makon-marketing-forum-2022/
Forumga chiptalar iticket.uz’da
https://iticket.uz/ru/events/trainings/makon-marketing-forum-2022/21499
+99897 402 28 20
Izoh (0)