21 майда Hyatt Regency Tashkent’да етакчи маҳаллий ва хорижий экспертлар, маркетологлар ва йирик компаниялар топ-менежерлари чиқиш қилади, Ўзбекистон шароитида самарали ишловчи маркетинг воситалари тўғрисидаги амалий тажрибалари билан ўртоқлашади. Форум иштирокчилари бозор экспертларидан долзарб билимларни олишади ва уларни ўз бизнеслари ва профессионал ўсишлари учун қўллай олишади.
Форумга Ўзбекистон, Италия, Словения, Қозоғистон, Россиядан экспертлар таклиф этилган. Спикерлар шахсий тажрибалари билан ўртоқлашади ва стратегия, бизнеснинг қандай ривожланиши тўғрисида қимматли маслаҳатларини беришади.
Форум ташкилотчиси, Ўзбекистон маркетинг уюшмаси бошқаруви раиси Диёр Мирзааҳмедовнинг фикрига кўра, бу йил тўртинчи бор ўтказилаётган форумнинг асосий вазифаси — ҳар йилги, аллақачон анъанага айланишга улгурган форматни қўллаб-қувватлаш. Йилда бир марта реал тажриба ва билимга эга бўлган маҳаллий ва хорижий маърузачилар маҳаллий энг фаол маркетологлар ҳамда тадбиркорлар билан учрашишади, ўзларининг реал кейслари ва ўтган йилдаги кузатувларини ҳамкасблари ҳамда бошловчи мутахассислар билан баҳам кўришади. Бу йил форумнинг асосий мавзуси стратегия этиб танлангани бежиз эмас, чунки маркетингда айнан у катта аҳамиятга эга, тўғри ишлаб чиқилган стратегия брендларга бизнесни самарали ва изчил, бозор ўзгаришларига қарамай ривожлантириш имконини беради.
Бу йил биринчи марта форум уч тилда: инглиз, ўзбек ва рус тилларида ўтади. Бундан ташқари, дунёнинг исталган мамлакатидан қатнашиш имкониятини яратиш учун гибрид иштирок формати қўлланилади, у ўтган йили ўзини ижобий намоён қила олди. Бу форумда онлайн қатнашиш ҳам мумкинлигини англатади. Форумнинг барча тадбирларининг жонли трансляциясини Beeline TV амалга оширади. Анъанага кўра, маърузачиларнинг барча чиқишлари бир ойдан кейин YouTube’даги «Makon Marketing» каналида эълон қилинади.
«Makon Marketing Forum 2022» маърузачилари:
- Айнура Худайбердиева, «Ишонч» компанияси маркетинг директори (Ўзбекистон);
- Илья Балахнин, Paper Planes бошқарувчи ҳамкори (Россия);
- Виктор Елисеев, Select Communication Group раҳбари (Қозоғистон);
- Азизбек Юсуфов, Mirror Management маркетинг комуникациялари агентлиги бошқарувчи ҳамкори (Ўзбекистон);
- Малик Каримов, Korzinka супермаркетлар тармоғи маркетинг раҳбари;
- Шоҳруҳ Низамутдинов, FCB Artgroup креатив агентлиги бошқарувчи ҳамкори ва креатив директори (Ўзбекистон);
- Самир Ахметзянов, Reformat consulting agency маркетолог стратеги (Ўзбекистон);
- Татьяна Равалли, FCB Artgroup минтақавий стратегик директори (Италия);
- Святослав Бирюлин, Sapiens Consulting раҳбари (Словения);
- Фарҳод Комилов, InMarketing компанияси раҳбари (Ўзбекистон);
- Роман Масленников, Взривной PR агентлиги директори (Россия);
- Умид Эргашев, Division маркетинг агентлиги директори (Ўзбекистон);
- Азиз Лутфуллаев, Division маркетинг агентлиги бошқарувчи ҳамкори (Ўзбекистон).
Форум арафасида 20 майда маркетинг клубининг йиғилиши бўлиб ўтади, унда case study форматида Division маркетинг агентлиги асосчилари Азиз Лутфуллаев, Умид Эргашев ва Reformat Consulting Agenсy маркетолог стратеги Самир Ахметзянов «Havas» ва «Анорбанк» кейслари билан чиқиш қилади. Шунингдек, «Ўзбекистон хусусиятларини ҳисобга олган ҳолда замонавий дунёдаги бизнес стратегияси» маҳорат сабоғи билан Sapiens Consulting раҳбари, словениялик эксперт Святослав Бирюлин қатнашади.
22 майда Hyatt Regency Tashkent’да бир вақтда учта маҳорат сабоғи бўлиб ўтади. Илья Балахнин — Paper Planes консалтинг агентлиги бошқарувчи ҳамкори (Россия) маркетинг стратегияси ҳақида батафсил сўзлаб беради, Роман Масленников — Взривной PR агентлиги раҳбари (Россия) «портлатувчи пиар»ни қандай яратиш ҳақида ҳикоя қилади, Inmarketing компанияси раҳбари Фарҳод Комилов digital маркетингнинг бу йилги трендлари тўғрисида сўзлаб беради.
Форумни Beeline TV жонли трансляцияси орқали дунёнинг исталган нуқтасидан томоша қилиш мумкин бўлади. Бу эса ушбу талабгир ва долзарб контентдан фойдаланиш борасида мамлакатимиздан йироқда бўлган ва Ўзбекистондаги бизнес ва маркетинг долзарб масалалари тўғрисида билишни истаганларда ҳеч қандай географик, вақт ёки бошқа чекловлар бўлмаслигини англатади.
«Makon Marketing Forum 2022» аввало профессионалларнинг олға юриши учун зарур бўлган фаол мулоқоти, турли ғоялар ва фикрларни ифодалаш майдони демакдир. Бу бир кунга маркетингнинг энг самарали воситалари оламига шўнғиш ва индустриянинг долзарб тенденциялари ҳақида хабардор бўлиш имкониятидир.
«Makon Marketing Forum 2022»да қатнашиш ҳар кимга ривожланишнинг янги истиқболларини кўриш ва самарали маркетинг воситалари тўғрисидаги олинган билимларини амалиётда қўллашда ёрдам беришига аминдир ва Марказий Осиёдаги ягона ва энг кенг кўламли тармоқ тадбирини фаол қўллаб-қувватлашга чорлайди.
Бизнес форум фаолияти якунланиши билан «2021 йил бренди» V мукофоти ғолибларини тантанали тақдирлаш маросими ўтказилади, унда очиқ халқона овоз бериш ва уюшма экспертлари ҳамда ҳамкорларининг овоз бериши ғолиблари эълон қилинади.
Бу йил истеъмолчиларнинг очиқ овоз бериши makon_brand_bot Telegram-ботида ўтди ва барча иштирокчилар томонидан фаол қўлаб-қувватланди. Бир ой давомида овоз беришда 335 мингдан зиёд истеъмолчи қатнашди, улар 25 та номинацияда 230 та брендга овоз беришди.
«2021 йил бренди» мукофотининг 25 та номинацияси ғолибларидан ташқари, 21 майдаги маросимда «Йил шахси», «Ўзбекистон маркетинги ривожига қўшган ҳиссаси учун» ва «Йил кашфиёти» каби махсус совринлар ҳам тақдим этилади.
Форум ташкилотчилари: Ўзбекистон Республикси Монополияга қарши курашиш қўмитаси, Ўзбекистон маркетинг ассоциацияси.
Бош ҳамкор: «Агробанк»
Форум дастури marketing.uz сайтида
https://marketing.uz/makon-marketing-forum-2022/
Форумга чипталар iticket.uz’да
https://iticket.uz/ru/events/trainings/makon-marketing-forum-2022/21499
+99897 402 28 20
Изоҳ (0)