Qozog‘istonning Nursulton shahrida 11—13-may kunlari Markaziy Osiyoda mintaqalararo hamda xalqaro savdoni rivojlantirishni qo‘llab-quvvatlash bo‘yicha “Milliy yo‘l xaritalaridan mintaqaviy islohotlar sari” mavzusida mintaqaviy uchrashuv bo‘lib o‘tdi. Bu haqda Davlat bojxona qo‘mitasi xabar qildi.
Qayd etilishicha, unda Qozog‘iston, Qirg‘iziston, Tojikiston, Turkmaniston va O‘zbekistondan vakillar ishtirok etgan. Tadbir Ready4Trade Central Asia loyihasi asosida Markaziy Osiyo mamlakatlarida transchegaraviy talablarning shaffofligini ta’minlash, tartibga soluvchi va protsessual to‘siqlarni bartaraf etish, biznesning savdo rasmiyatchiligiga rioya qilish salohiyatini kuchaytirish orqali xalqaro savdoni rivojlantirish hamda transchegaraviy elektron tijoratni takomillashtirishga qaratilgan.
Markaziy Osiyoda biznes imkoniyatlarini kengaytirish va transchegaraviy elektron tijorat orqali ichki va xalqaro miqyosda savdoni rivojlantirish qaratilgan mazkur tadbir interfaol sessiyalar va mavzuli muhokamalarga boy tarzda o‘tgan. Uchrashuvda Davlat bojxona qo‘mitasidan 2 nafar vakil qatnashgan.
Mavzuga doir:
- O‘zbekistonda oldindan buyurtma qilingan navbat asosida chegara punktini tezkor kesib o‘tish yo‘lga qo‘yilishi mumkin
- O‘zbekistonda ichki bozorga noqonuniy elektrotexnika kirib kelishining oldini olish maqsadida eski transformatorlar importi to‘xtatiladi
- O‘zbekistonda 2023-yildan bojxona organi xodimlarining daromadlari va mol-mulki deklaratsiya qilinadi
Izoh (0)