O‘zbekistonliklarni evakuatsiya qilish uchun Qozog‘istonga ishchi guruh yuborildi

Qozog‘istonda ichida O‘zbekiston fuqarolari bo‘lgan avtobus ag‘darilib ketgani to‘g‘risida xabar berilgandi. Favqulodda vazir yo‘l-transport hodisasi yuzasidan qo‘shimcha ma’lumot berib, Qozog‘istonga ishchi guruh yuborilganini ma’lum qildi.

Ma’lum qilinishicha, O‘zbekiston bosh vazirining tegishli topshirig‘iga asosan, Jambil viloyati Julain tumani hududida sodir bo‘lgan yo‘l-transport hodisasi oqibatida jabrlangan O‘zbekiston fuqarolariga zarur yordam ko‘rsatish, ularni O‘zbekistonga qaytarish hamda hodisaning kelib chiqish sabablarini o‘rganish maqsadida ishchi guruh tuzilgan.

Favqulodda vaziyatlar vaziri o‘rinbosari rahbarligida ishchi guruh tarkibidan Ichki ishlar, Tashqi ishlar, Sog‘liqni saqlash va Transport vazirliklari mas’ul xodimlari o‘rin olgan bo‘lib, ular Qozog‘istonga yuborilgan.

Avvalroq Jambildagi avariya oqibatida oqibatida 2 kishi vafot etgani (O‘zbekiston fuqarolari), 4 kishi reanimatsiya, 13 kishi esa travmotologiya bo‘limiga joylashtirilgani to‘g‘risida xabar berilgandi.