“Farg‘ona suv ta’minoti” MCHJ Komplayens-nazorat xizmati tomonidan jamiyatning buxgalteriya bo‘limida sodir etilgan qonunbuzilish holatlari o‘rganib chiqildi, deb xabar beradi “O‘zsuvta’minot” matbuot xizmati.
Aniqlanishicha, jamiyatning bosh hisobchisi o‘rinbosari M.T. 2020—2022-yillar davomida o‘z lavozim mavqeidan foydalanib, “Farg‘ona suv ta’minoti” MCHJning hisob raqamidagi katta miqdordagi pul mablag‘larini firibgarlik yo‘li bilan o‘zining va boshqa shaxslarning plastik kartalariga o‘tkazib, jami 659,1 million so‘m pul mablag‘larini o‘zlashtirgan.
Hozirda M.T. tomonidan 186 million so‘m jamiyatning depozit hisob raqamiga to‘lab berilgan.
“Talon-toroj qilingan qolgan summani undirish maqsadida ayni damda Farg‘ona shahar prokuraturasi tomonidan tergovoldi surishtiruv ishlari olib borilmoqda”, — deyiladi xabarda.
Avvalroq Qashqadaryoda 1,5 mlrd so‘m kredit mablag‘ini talon-toroj qilgan ferma rahbari ushlangani, Samarqandda 1,5 mlrd so‘m kredit mablag‘ini o‘zlashtirgan jamiyat rahbariga jinoyat ishi qo‘zg‘atilgani, Chirchiqda korxona rahbari tadbirkorning 533,6 mln so‘mlik mulkini talon-toroj qilgani to‘g‘risida xabar berilgandi.
Mavzuga doir:
- Qashqadaryoda soliqdan bo‘yin tovlab, 700 mln so‘m soliq pulini yashirgan quruvchi javobgarlikka tortildi
- Buxoroda jamiyat rahbari 11 kishidan firibgarlik bilan olgan pullarga Spark, Malibu va Captiva sotib olgani aniqlandi
- Qarshida sug‘urta polislarini sotishdan tushgan 119,7 mln so‘mni talon-toroj qilgan shaxsga jinoyat ishi qo‘zg‘atildi
Izoh (0)