“Daryo” O‘zbekiston banklarining 2022-yil birinchi chorak yakunlari bo‘yicha moliyaviy hisoboti bilan tanishib, eng serdaromad va nisbatan past moliyaviy ko‘rsatkichlar qayd etgan banklarni bilib oldi.
Ko‘pgina banklar davlatga tegishli va rivojlantirish tashkilotlar sifatida ish yuritadi. Ular davlat tomonidan keng qo‘llab-quvvatlanayotgani sabab, ularning aslida qanchalik muvaffaqiyatli ekanini aniqlash qiyin. Foyda muhim bo‘lsa-da, bank muvaffaqiyatining yagona ko‘rsatkichi emas — bu erda aktivlar, depozitlar va kapital hajmini ham hisobga olish kerak.
Eng ko‘p sof foyda “O‘zsanoatqurilishbank” oldi – 319,2 milliard so‘m. Ikkinchi o‘rinda “Ipoteka-bank” (309,1 mlrd so‘m), uchinchi o‘rinda“O‘zmilliybank” (276 mlrd so‘m) joylashgan.
“Qishloq Qurilish Bank” 154,3 mlrd so‘m bilan to‘rtinchi, InfinBank esa 145 mlrd so‘m bilan beshinchi o‘rinni egalladi.
Shuningdek, birinchi o‘ntalikda yana beshta bank o‘rin olgan:
- Kapitalbank – 141 mlrd so‘m;
- “Ipak yo‘li” bank – 129,5 mlrd so‘m;
- Hamkorbank – 129 mlrd so‘m;
- Trastbank – 128 mlrd so‘m;
- Oriyent Finans Bank – 81 mlrd.
“Agrobank” 45,8 milliard so‘m, “Xalq banki” 45,7 milliard so‘m, Davrbank esa 41,5 milliard so‘m sof foyda olgan.
KDBning sof foydasi 37,8 mlrd, Asia Alliance bankning — 33,9 mlrd, Turon bankning — 32 mlrd, Aloqa bankning 21 esa mlrd so‘mni tashkil etdi.
“Ziraat Bank” 15,2 mlrd so‘m, “Mikrokreditbank” 15,1 mlrd so‘m, Universal bank esa 12 mlrd so‘m sof foyda olgan.
Bir nechta banklarning sof foydasi 10 milliard so‘mdan kam bo‘ldi. Bu
- “Asakabank” – 7 mlrd,
- “Poytaxt Bank” – 5,4 mlrd,
- “Savdogarbank” – 2,2 mlrd,
- “Ravnaq bank” – 0,9 mlrd.
Bundan tashqari, bir nechta banklar birinchi chorakni zarar bilan yakunlagan.
Avvalroq bank ishi O‘zbekistonning eng yuqori oylik to‘lanadigan sohasi bo‘lgani haqida xabar berilgan edi.
Izoh (0)