«Дарё» Ўзбекистон банкларининг 2022 йил биринчи чорак якунлари бўйича молиявий ҳисоботи билан танишиб, энг сердаромад ва нисбатан паст молиявий кўрсаткичлар қайд этган банкларни билиб олди.
Кўпгина банклар давлатга тегишли ва ривожлантириш ташкилотлар сифатида иш юритади. Улар давлат томонидан кенг қўллаб-қувватланаётгани сабаб, уларнинг аслида қанчалик муваффақиятли эканини аниқлаш қийин. Фойда муҳим бўлса-да, банк муваффақиятининг ягона кўрсаткичи эмас — бу эрда активлар, депозитлар ва капитал ҳажмини ҳам ҳисобга олиш керак.
Энг кўп соф фойда «Ўзсаноатқурилишбанк» олди – 319,2 миллиард сўм. Иккинчи ўринда «Ипотека-банк» (309,1 млрд сўм), учинчи ўринда«Ўзмиллийбанк» (276 млрд сўм) жойлашган.
«Қишлоқ Қурилиш Банк» 154,3 млрд сўм билан тўртинчи, InfinBank эса 145 млрд сўм билан бешинчи ўринни эгаллади.
Шунингдек, биринчи ўнталикда яна бешта банк ўрин олган:
- Капиталбанк – 141 млрд сўм;
- «Ипак йўли» банк – 129,5 млрд сўм;
- Ҳамкорбанк – 129 млрд сўм;
- Trastбанк – 128 млрд сўм;
- Ориент Финанс Банк – 81 млрд.
«Агробанк» 45,8 миллиард сўм, «Халқ банки» 45,7 миллиард сўм, Davrbank эса 41,5 миллиард сўм соф фойда олган.
КДБнинг соф фойдаси 37,8 млрд, Asia Alliance банкнинг — 33,9 млрд, Турон банкнинг — 32 млрд, Алоқа банкнинг 21 эса млрд сўмни ташкил этди.
«Зираат Банк» 15,2 млрд сўм, «Микрокредитбанк» 15,1 млрд сўм, Universal банк эса 12 млрд сўм соф фойда олган.
Бир нечта банкларнинг соф фойдаси 10 миллиард сўмдан кам бўлди. Бу
- «Асакабанк» – 7 млрд,
- «Пойтахт Банк» – 5,4 млрд,
- «Савдогарбанк» – 2,2 млрд,
- «Равнақ банк» – 0,9 млрд.
Бундан ташқари, бир нечта банклар биринчи чоракни зарар билан якунлаган.
Аввалроқ банк иши Ўзбекистоннинг энг юқори ойлик тўланадиган соҳаси бўлгани ҳақида хабар берилган эди.
Изоҳ (0)