Davlat aktivlarini boshqarish agentligi davlat ishtirokidagi korxonalarning moliyaviy hisobotlar tahlilini e’lon qildi.
2021-yil yakuni bo‘yicha eng yuqori sof foyda olgan 20 ta korxona ro‘yxati tuzildi.
Ushbu korxonalar o‘tgan yili jami 23,7 trln so‘m foyda ko‘rgan.
- Birinchi o‘rinda “Navoiy kon-metallurgiya kombinati” — 10,6 trln so‘m.
- Ikkinchi o‘rinda “Olmaliq kon-metallurgiya kombinati” — 5,3 trln so‘m.
- Uchinchi o‘rinda “O‘zbekneftgaz” — 3,3 trln so‘m.
To‘rtinchi o‘rinda “O‘zbekiston metallurgiya kombinati” (1,4 trln so‘m), beshinchi o‘rinda “Navoiyazot” (779,8 mlrd so‘m).
Keyingi o‘rinlarda “O‘zbektelekom” (473,9 mlrd so‘m), “Hududiy elektr tarmoqlari” (400,3mlrd so‘m), “Farg‘onaazot” (348,8 mlrd so‘m), “Agroklaster” (194,8 mlrd so‘m) va “O‘zbekiston Respublikasi tovar xom ashyo birjasi” (140,1 mlrd so‘m) korxonalari.
2020-yil bilan solishtirganda nimalar o‘zgardi?
2020-yilda 20 ta eng ko‘p foyda ko‘rgan kompaniyalar jami 9,5 trln so‘m topgan edi. 2021-yildagi keskin o‘sishni pandemiya cheklovlari olib tashlanganligi bilan ifodalasa bo‘ladi.
Bundan tashqari, ro‘yxatdan Ucell va Coca-Cola chiqib ketdi, chunki ular 2021-yilda xususiylashtirildi. Uzbekistan Airways zarar ko‘rayotgan kompaniyalardan foyda ko‘rganlarga qo‘shildi.
“Navoiy kon-metallurgiya kombinati” 2021-yilda eng ko‘p foyda ko‘rgan korxonalar tarkibiga qo‘shildi va reytingda birinchi o‘rinni egalladi (10,6 trln so‘m).
Izoh (0)