Avvalroq O‘zbekistonda dollarning rasmiy kursi qatorasiga sakkizinchi kun pastlagani haqida xabar berilgan edi.
Lekin Ukrainadagi urush, Rossiyaga qarshi global sanksiyalar, Xitoyning blokirovkalari dunyoda dollar kursini ko‘tarmoqda, deb yozadi The New York Times.
Hozir ko‘pchilik investitsiyalar uchun qiyin vaziyat bo‘lishiga qaramay, dollar uchun bu ajoyib davr.
Chet elga sayohat qilmagan va dollarni yevro, iyena yoki boshqa yirik valyutaga almashtirmagan odamlar buni sezmagan bo‘lishi mumkin. Ammo ko‘plab valyuta treyderlari, S&P 500 kompaniyasi rahbarlari va iqtisodchilar, albatta, bundan xabardor.
Dollarni boshqa oltita asosiy valyutaga nisbatan kuzatuvchi AQSH dollari indeksi so‘nggi 20 yil davomida kuzatilmagan darajada o‘zgarib bormoqda.
Yil boshidan buyon dollar deyarli 8 foizga oshdi. So‘nggi 12 oy ichida esa 13 foizdan ko‘proq o‘sdi.
Yapon iyenasiga nisbatan birgina joriy yilning o‘zida dollar 13 foizga oshgan.
Federal rezervning pul-kredit shartlarini kuchaytirish bo‘yicha so‘nggi harakatlari dollar kursini yanada oshirishi mumkin.
Chorshanba kuni Fed siyosatchilari qisqa muddatli foiz stavkalarini yarim foiz punktga oshirishga qaror qilishdi va iyun oyida 9 trillion dollarlik balansdagi obligatsiyalarni qisqartirishni boshlashdi.
Foiz stavkalarining o‘sishda davom etishi, ehtimol, Fed’ning inflyatsiyani kamaytirishga qaratilgan harakatlari bilan bog‘liq.
Izoh (0)