UzIMEI tizimining operatori barcha relokantlar uchun maksimal darajada qulaylik yaratishni maqsad qilgan. Boshqa davlatlardan tashrif buyurgan fuqarolarning fikr-mulohazalariga ko‘ra, qo‘llab-quvvatlash dasturi ko‘plab insonlarning O‘zbekistonga osonroq moslashishiga yordam bermoqda. O‘zbekistonda mobil qurilmalarni majburiy ro‘yxatdan o‘tkazish tizimi joriy etilganini inobatga olib, mehmonlarda bir qator savollar tug‘ilishi tabiiy.
Boshidanoq, IT Park bilan birgalikda boshqa davlatlardan tashrif buyurgan fuqarolarning (norezidentlar) IMEI kodini ro‘yxatdan o‘tkazish bo‘yicha hamkorlik ishlari boshlangan.
Boshqa davlat fuqarolari mobil qurilmalarining IMEI kodini/kodlarini ro‘yxatdan o‘tkazish jarayoni shu joyning o‘zida 3—5 daqiqa ichida hal qilinadi.
Bugungi kunga qadar O‘zbekiston Respublikasining har bir viloyatida IMEI kodlarini ro‘yxatdan o‘tkazish nuqtalari mavjud.
IMEI kodini ro‘yxatga olish nuqtalari:
- Olmazor tumani, Sebzor 18-A massivida joylashgan UzIMEI tizimi operatori ofisi;
- Mobil aloqa operatorlarining markaziy ofislarida;
- Ucell: mo‘ljal “Oloy” bozori (Bosh pochta bo‘limi binosi yonida);
- Ucell: Yakkasaroy tumani, Vosit Vohidov ko‘chasi, 118;
- Uzmobile: Alisher Navoiy ko‘chasi, 8-uy;
- Uzmobile: Bunyodkor shoh ko‘chasi, 8-uy. Mo‘ljal: Baynalmilal ko‘chasi.
Ta’kidlab o‘tish lozimki, UzIMEI tizimi operatori tomonidan rezidentlar va norezidentlar uchun IMEI ro‘yxatdan o‘tkazish tartibini soddalashtirish bo‘yicha bir qator ishlar amalga oshirilmoqda.
Batafsil ma’lumotga ega bo‘lish uchun 1170 yagona raqamiga (aloqa markazida qo‘ng‘iroqlar kecha-yu kunduz qabul qilinadi) murojaat qilishingiz yoki info@uzimei.uz elektron manziliga xabar yuborishingiz mumkin.
Reklama huquqi asosida.
Izoh (0)