UzIMEI тизимининг оператори барча релокантлар учун максимал даражада қулайлик яратишни мақсад қилган. Бошқа давлатлардан ташриф буюрган фуқароларнинг фикр-мулоҳазаларига кўра, қўллаб-қувватлаш дастури кўплаб инсонларнинг Ўзбекистонга осонроқ мослашишига ёрдам бермоқда. Ўзбекистонда мобил қурилмаларни мажбурий рўйхатдан ўтказиш тизими жорий этилганини инобатга олиб, меҳмонларда бир қатор саволлар туғилиши табиий.
Бошиданоқ, IT Park билан биргаликда бошқа давлатлардан ташриф буюрган фуқароларнинг (норезидентлар) IMEI кодини рўйхатдан ўтказиш бўйича ҳамкорлик ишлари бошланган.
Бошқа давлат фуқаролари мобил қурилмаларининг IMEI кодини/кодларини рўйхатдан ўтказиш жараёни шу жойнинг ўзида 3—5 дақиқа ичида ҳал қилинади.
Бугунги кунга қадар Ўзбекистон Республикасининг ҳар бир вилоятида IMEI кодларини рўйхатдан ўтказиш нуқталари мавжуд.
IMEI кодини рўйхатга олиш нуқталари:
- Олмазор тумани, Себзор 18 А массивида жойлашган UzIMEI тизими оператори офиси;
- Мобил алоқа операторларининг марказий офисларида;
- Ucell: мўлжал «Олой» бозори (Бош почта бўлими биноси ёнида);
- Ucell: Яккасарой тумани, Восит Воҳидов кўчаси, 118;
- Uzmobile: Алишер Навоий кўчаси, 8 уй;
- Uzmobile: Бунёдкор шоҳ кўчаси, 8 уй. Мўлжал: Байналмилал кўчаси.
Таъкидлаб ўтиш лозимки, UzIMEI тизими оператори томонидан резидентлар ва норезидентлар учун IMEI рўйхатдан ўтказиш тартибини соддалаштириш бўйича бир қатор ишлар амалга оширилмоқда.
Батафсил маълумотга эга бўлиш учун 1170 ягона рақамига (алоқа марказида қўнғироқлар кеча-ю кундуз қабул қилинади) мурожаат қилишингиз ёки info@uzimei.uz электрон манзилига хабар юборишингиз мумкин.
Реклама ҳуқуқи асосида.
Изоҳ (0)