Mashhurlar doimo odamlarning e’tiborida. Ularning hayotidagi har qanday voqea yoki tasodifan aytilgan jumla ham darhol yangilikka aylanadi. Ammo yulduzlarning tarjimayi holidagi ba’zi faktlar hatto sodiq muxlislar uchun ham kutilmagan bo‘lishi mumkin. Gollivud go‘zallari maktabda tashqi ko‘rinishi, nafis sochlari yoki nozik figurasi tufayli haqoratlangan, go‘zallik tanlovlarini boykot qilgan. Hozir ham ular o‘zlarining qo‘rquvlari yoki zaif tomonlarini tan olishdan uyalmaydilar.
Qayg‘uli sababga ko‘ra shu soch turmagida yuradi
Ariana Grandening ot dumi shaklidagi soch turmagi uning tashrif qog‘oziga aylangan. Ammo yulduz bu turmakni ilojsizlikdan tanlagan: uning sochlari Nickelodeon sitkomidagi rol uchun yillar davomida bo‘yalganligi sababli shikastlangan. Ariana 4 yil davomida har 2 haftada sochlarini oqartirishi va qizil rangga bo‘yashiga to‘g‘ri kelgan. Keyinchalik u filmlardagi roli uchun parik kiyishni boshladi, kundalik hayotda esa ulama sochlardan foydalanadi — bu tabiiy ko‘rinishi uchun sochlarini ot dumi shaklida yig‘adi: “O‘zimning sochlarim shunchalik yomon ahvoldaki, yoyganimda dahshatli ko‘rinadi”.
Bitta rol uchun 4 marta semirib-ozgan
“Yo‘qolgan ayol” filmida nozik Emi Dann g‘oyib bo‘lgach, vazni ortib boradi, film so‘ngida esa kilogramm tashlab, oldingidan-da jozibali nozik go‘zalga aylanadi. Sahnalar xronologik tartibda suratga olinmaganligi sababli aktrisa Rozamund Payk filmning ma’lum bir qismidagi personajga qomati mos kelishi uchun 6 kilogacha semirib, keyin ozishi kerak edi. Diyetasini nazorat qiluvchi maxsus yollangan murabbiy va sport zalidagi mashg‘ulotlar yordamida bu ishni ikki marta amalga oshirgan.
Sochi o‘ziniki emasligini yashirmaydi
Xonanda va aktrisa Jennifer Lopes hech qachon sochlari haqiqiy emasligini yashirmagan. U muxlislariga tabiiy sochlarini ko‘rsatishdan uyalmaydi (yelkasiga zo‘rg‘a tushib turadi va juda jingalak) — muxlislari uni har qanday holatda ham mamnun qabul qilishadi.
Maktabda hech kim bilan chiqisha olmagan
Anya Teylor-Joy 6 yoshga to‘lganda, uning oilasi Londonga ko‘chib o‘tadi. Aktrisaning aytishicha, u boshqa bolalar bilan muloqot qilmagan va Garri Potter kitoblari qahramonlari uning eng yaqin do‘stlari bo‘lgan. Maktabda esa katta ko‘zlari uchun uni masxara qilgan sinfdoshlarining zo‘ravonligiga duch keladi, shuning uchun Anya 16 yoshida u maktabdan ketadi. Ammo bu tajriba unga “Qirolicha yurishi”dagi Bet Harmon roliga moslashishiga yordam berdi: “Betga shaxmat kerak bo‘lganidek, men ham o‘ynashim kerak edi. O‘zimning nimalarga qodirligimni ko‘rsatish vaqti kelgandi”, — deydi aktrisa.
“Koinot go‘zali” tanlovini boykot qiladi
Gal Gadot 18 yoshga to‘lganida, unga “Miss Isroil” tanlovida ishtirok etish taklif qilingan. Aktrisa o‘sha paytda bu o‘ziga yaxshi tajriba bo‘ladi deb o‘ylagan. Ammo u g‘alaba qozonishim mumkin degan xayolga ham bormagan. Finalchilar esa avtomatik tarzda keyingi bosqich – “Koinot go‘zali”ga o‘tishadi. Gal hayratda qoladi va yana g‘alaba qozonishidan qo‘rqib, o‘zicha bunga qarshi isyon ko‘taradi: tanlovga kechikib keladi, kiyimlarini unutib qoldiradi va yakunda o‘zi xohlaganidek finalchilar qatoriga kirmaydi.
Hali ham yumshoq o‘yinchoq bilan uxlaydi
Margo Robbi o‘zining yumshoq o‘yinchog‘i quyonni shunchalik yaxshi ko‘radiki, uni har kecha o‘zi bilan olib yotadi. Bu haqda intervyularidan birida aytib o‘tgan yulduzning so‘zlariga ko‘ra, eri uning bu odatini yomon ko‘radi va uxlab qolishi bilanoq quyonni to‘shakdan uloqtiradi.
Oddiy odamlarga qaraganda tishlari kamroq
Zendayaning boshqalarga qaraganda pastki qatorda bitta tishi kam. U bu haqda bir necha yil oldin aql tishini oldirish uchun tish shifokoriga murojaat qilganida bilgan. Bundan tashqari, tishlarining sezgirligi pasayganligi sababli muzqaymoq tishlasa ham sovuqni his qilmasligi mumkin.
Suratga olish ishlaridan so‘ng Rouzning sirg‘alarini o‘zida olib qolgan
“Titanik”ning suratga olish ishlari tugagach, Keyt Uinslet Rouzning bir juft ziragini o‘ziga olib qolgan. “Odamlar White Star Line logotipi tushirilgan stakan va likopchalarni ham olib ketishgan. Men unchalikka bormaganman. Faqatgina Rouzning bir juft sirg‘asini oldim, lekin uning ham bittasini yo‘qotib qo‘ydim”, — dedi aktrisa intervyularining birida.
Izoh (0)