Jizzax viloyati G‘allaorol tumanidagi qurilishi tugallanmagan ko‘p qavatli turar joy binosi kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot izohida yozilishicha, binong 1-qavatda foydalanilayotgan qismi va 6-qavati savdoga qo‘yilmagan. Qurilishi tugallanmagan turar joy binosi 9 qavat va 390 xonadan iborat.
Yer uchastkasining umumiy maydoni 0,35 gektar. Binoning maydoni — 1568 kvadrat metr. Lot auksionga iqtisodiy sudlar hukmi bilan Jizzax shahar MIB tomonidan qo‘yilgan.
Auksionga qo‘yilgan bino qismlarining boshlang‘ich bahosi — 13,3 mlrd so‘m. Arizalar 19-may 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq Toshkentdagi hovli MIB tomonidan 5,2 mlrd so‘mga auksionga qo‘yilgani haqida xabar berilgan edi.
Izoh (0)