Xiaomi kompaniyasi Civi 1S nomli ingichka smartfonini taqdim etdi, deb xabar beradi GSMArena. Qurilma o‘zidan oldingi avlodidan u qadar katta farq qilmaydi: 120 gertsli tasvir yangilanish chastotasiga ega 6,55 dyuymli OLED-ekran o‘rnatilgan. 32 megapikselli kamera oldingidek ekranning yuqori markaziy teshigiga joylashtirilgan.
Qurilma orqa tarafida joylashgan uchtalik kameraning asosiysi 64 megapikselni tashkil etadi. Uning yonidan 8 megapikselli keng burchakli obyektiv va 2 megapikselli makromodul o‘rin olgan.
Smartfonning baribir Xiaomi Civi’dan farqi bor: yangi model ancha ilg‘or Snapdragon 778G+ protsessori bilan jihozlangan. Asosiy yadrosi 2,5 gigagertsli chastotada ishlaydi. Grafik protsessori, internet provayderi va ulanish imkoniyati oldingidek qolgan.
Civi 1S — 166 grammli yengil smartfon, qalinligi 8 millimetr — bu qurilmada avvalgidek ayrim funksiyalar yo‘qligini anglatadi — microSD va 3,5 millimetrli audiorazyom.
Xiaomi mazkur smartfonni Android 12 bazasidagi MIUI 13 operatsion tizimida taqdim etgan. Akkumulyator sig‘imi 4,5 ming mA/soatga teng bo‘lib, 55 vattli tezkor quvvatlanish funksiyasiga ega, biroq adapterni alohida xarid qilish kerak — qutida bo‘lmaydi.
Civi 1S’ning 8/128 gigabaytli bazaviy versiyasi 2299 yuan (350 dollar) qiymatida sotuvga chiqishi kutilmoqda.
Avvalroq Xiaomi ulkan akkumulyator sig‘imiga ega hamyonbop Redmi 10 Power’ni taqdim etgandi.
Izoh (0)