Rossiyaning Caviar zargarlik kompaniyasi Huawei P50 Pro smartfonini “Alyonka” shokoladiga aylantirdi, deb xabar beradi Hi-Tech.Mail.Ru. Yangi kolleksiyadan, shuningdek, “Oq quyoncha” sutli konfeti ko‘rinishidagi qurilma ham o‘rin olgan. Kompaniya modellar orqali Rossiyaning Xitoy bilan do‘stligiga hurmat ko‘rsatishga qaror qilgan.
“Oq quyoncha” sutli konfetlari allaqachon Xitoyning butun dunyo bo‘ylab tashrif qog‘oziga aylangan. Ushbu konfetlar 1943-yilda Shanxayda o‘ylab topilgan. Shu bilan birga, xitoyliklar va Caviar mijozlari “Alyonka”ning Rossiyaning eng taniqli mahsuloti deb atagan. Aynan shu sababli bu ikki dizayn tanlangan.
“Alyonka” Huawei P50 Pro korpusi shokolad rangli nozik buzoq terisidan tikilgan bo‘lib, unga shokolad plitkasi ko‘rinishi berilgan va lazer yordamida nashq tushirilgan zarbga bardoshli titan bilan qoplangan.
“Oq quyoncha” Huawei modeli esa 22 qirotli yaxlit kumushdan ishlangan. Metallning usti ko‘zni qamashtiradigan darajada oq rangda — xuddi konfet qadog‘i kabi. Model qimmatbaho toshlar bilan yaxshilab bezatilgan: kumush asosga 90 ta lal va 168 ta yoqut o‘rnatilgan.
Xitoy shirinligi qadog‘idagi qahramon — oq quyoncha smarton orqa qopqog‘ining markaziy qismidan o‘rin olgan.
Alyonka narxi 469 ming rublni (5,8 ming dollar), “Oq quyoncha” modeli esa 699 ming rublni (8,6 ming dollar) tashkil etadi.
Caviar kompaniyasi bunga qadar smartfon-tank — iPhone T-34’ni, Rossiya prezidenti Vladimir Putinning portreti va imzosi aks ettirilgan iPhone 6s’ni, AQSh prezidenti Donald Tramp sharafiga tilla iPhone 7 kabi noyob modellarni taqdim etgan.
Izoh (0)