Xiaomi kompaniyasi yoshlar uchun mo‘ljallangan yangi smartfonini taqdim etdi, deb xabar beradi “Afisha.uz”.

Foto: “Afisha.uz”

Apparat Xiaomi smartfonlari orasidagi eng ingichka korpusga ega bo‘lgan — 6,98 millimetr va og‘irligi 166 grammni tashkil etadi. Kompaniyadagilarning ta’kidlashicha, qurilmaning pastki hoshiyasi qalinligi 2,55 millimetrni tashkil etadi xolos.

Telefonga Full HD+ sifatni qo‘llab-quvvatlaydigan, 120 gertsli yangilanish chastotasiga ega 6,55 dyuymli chetlari egilgan OLED-ekran o‘rnatilgan. Barmoq izi skaneri displey ostida joylashgan. Shuningdek, smartfon HDR10+, Dolby Vision, Dolby Atmos stereodinamiklari va NFC moduliga ega.

Foto: “Afisha.uz”

Qurilma ichiga 5G aloqa tarmog‘ini qo‘llab-quvvatlaydigan Snapdragon 778G protsessori, 8/12 gigabayt tezkor, 128/256 gigabayt ichki xotira o‘rnatilgan. Akkumulyator sig‘imi 4500 mA/soat bo‘lib, u 55 vattli tezkor quvvatlanish funksiyasiga ega. Buning yordamida Xiaomi Civi 100 foiz quvvatni 45 daqiqada oladi.

Xiaomi Civi to‘rtta kameraga ega bo‘lgan: 64 megapikselli asosiy, 2 megapikselli 120 darajali keng burchakli va makro modul. Shuningdek, 32 megapikselli frontal kamera ham o‘rnatilgan bo‘lib, u maksimal darajada sifatli avtoportretlarni taqdim etuvchi avtofokusga ega.

Foto: “Afisha.uz”

Smartfon uch xil rangda sotuvga chiqadi: yorqin ko‘k, yaltiroq qora va pushti ranglarda. Xiaomi Civi’ning Xitoydagi rasmiy narxlari:

  • 8/128 GB — 402 dollar;
  • 8/256 GB — 449 dollar;
  • 12/256 GB — 495 dollar.

Foto: “Afisha.uz”

Avvalroq Xiaomi 11T va 11T Pro flagmanlari hamda eng yengil 5G smartfonini namoyish etgani to‘g‘risida xabar berilgandi.