TENAA Xitoy regulyatorining ma’lumotlar bazasi Xiaomi 4K sifatni qo‘llab-quvvatlaydigan egilgan OLED-displeyli qurilma ustida ish olib borayotganini ma’lum qildi. Qurilma hozirda Xitoy bozori uchun taqdim etilgan Xiaomi Civi’ga juda o‘xshash, deb xabar beradi Hi-Tech.Mail.ru.

Foto: Gizmochina

4K sifatni qo‘llab-quvvatlaydigan displeyga ega smartfonlar anchadan buyon mavjud. Birinchi bor unga Xperia Z5 Premium qurilmasi ega bo‘langandi — Sony’ning 5,5 dyuymli ekrani. U 2015-yilda taqdim etilgan.

Ayrimlar 4K sifatga shubha bilan qaraydi va buni tushunish mumkin: 4K displeylaridagi piksellarning aqlbovar qilmas darajadagi zichligi mashhur QHD bilan taqqoslaganda u qadar sezilarli emas. 4K displeyi, shuningdek, energiya ko‘p sarflashi bilan mashhur. Hozirda standartga aylanib borayotgan 120 gertsli yangilanishlar chastotasida 4K panel batareyadan ko‘proq energiya sarflaydi.

Nima bo‘lganda ham Xiaomi tomonidan yaqin kunlarda taqdim etilishi kerak bo‘lgan smartgonga 6,55 dyuymli 4K (3840x2160) OLED-displey o‘rnatilgan. Aftidan, old tomonidan kamera uchun hech qanday qirqim yo‘qdek, ammo bu e’lon qilingan surat yaxshi yoritilmagani sabab yuzaga kelgan.

TENAA regulyatori bazasida e’lon qilingan yana bir hayratlanarli funksiya — “ko‘zning rangdor pardasini tanish”. Joriy etiladigan yangilik sabab Xiaomi ko‘zning rangdor qobig‘i skaneriga ega bo‘ladi. Ushbu biometrik texnologiya 2017-yilda Samsung Galaxy S8 bilan taqdim etilgandi, ammo smartfonlar u qadar ommalashmadi.

Manbaning yozishicha, yangi model sig‘imi 4500 mA/soatga teng akkumulyator, 16 gigabayt tezkor va 512 gigabayt tezkor xotiraga ega bo‘ladi. O‘lchamlari esa Xiaomi Civi’niki bilan deyarli bir xil — 158,34 x 71,5 x 6,98 millimetr, og‘irligi — 166 gramm.

Avvalroq Xiaomi 11T va 11T Pro flagmanlari hamda eng yengil 5G smartfonini namoyish etgani to‘g‘risida xabar berilgandi.