Xiaomi компанияси Civi 1С номли ингичка смартфонини тақдим этди, деб хабар беради GSMArena. Қурилма ўзидан олдинги авлодидан у қадар катта фарқ қилмайди: 120 герцли тасвир янгиланиш частотасига эга 6,55 дюймли OLED-экран ўрнатилган. 32 мегапикселли камера олдингидек экраннинг юқори марказий тешигига жойлаштирилган.
Қурилма орқа тарафида жойлашган учталик камеранинг асосийси 64 мегапикселни ташкил этади. Унинг ёнидан 8 мегапикселли кенг бурчакли объектив ва 2 мегапикселли макромодуль ўрин олган.
Смартфоннинг барибир Xiaomi Civi’дан фарқи бор: янги модель анча илғор Snapdragon 778Г+ процессори билан жиҳозланган. Асосий ядроси 2,5 гигагерцли частотада ишлайди. График процессори, интернет провайдери ва уланиш имконияти олдингидек қолган.
Civi 1С — 166 граммли енгил смартфон, қалинлиги 8 миллиметр — бу қурилмада аввалгидек айрим функциялар йўқлигини англатади — microSD ва 3,5 миллиметрли аудиоразъём.
Xiaomi мазкур смартфонни Android 12 базасидаги MIUI 13 операцион тизимида тақдим этган. Аккумулятор сиғими 4,5 минг мА/соатга тенг бўлиб, 55 ваттли тезкор қувватланиш функциясига эга, бироқ адаптерни алоҳида харид қилиш керак — қутида бўлмайди.
Civi 1Сънинг 8/128 гигабайтли базавий версияси 2299 юань (350 доллар) қийматида сотувга чиқиши кутилмоқда.
Аввалроқ Xiaomi улкан аккумулятор сиғимига эга ҳамёнбоп Redmi 10 Power’ни тақдим этганди.