Qashqadaryo viloyati Dehqonobod tumanining tog‘li hududida Qizil kitobga kiritilgan qo‘ng‘ir ayiq borligi ma’lum bo‘ldi. Bu haqda Davlat ekologiya qo‘mitasi xabar qildi.
Tuman ekologiya bo‘limining xabar berishicha, suratlar “Terakli” mahallasi hududida mahalliy aholi tomonidan olingan. Ularda ona ayiqni 2 ta bolasi bilan ko‘rish mumkin.
Avvalroq Hisor qo‘riqxonasidagi fotoqopqonga ikkita qor qoploni tushgani xabar qilingandi. Shuningdek, Ustyurtdagi fotoqopqonga noyob hayvon – Ustyurt qo‘yi tushib qolgani, butunlay yo‘q bo‘lib ketish arafasida turgan morxo‘r va uning uloqchalari fotoqopqonga tushgani haqida xabar qilingandi.
Izoh (0)