Davlat xavfsizlik xizmati Samarqand viloyati boshqarmasi hamda viloyat IIB xodimlari hamkorligida korrupsiyaga qarshi kurashish yo‘nalishida tezkor tadbirlar o‘tkazildi, deb xabar beradi O‘zA.
Ushbu tadbirlar davomida Samarqand shaharlarining biridagi tibbiyot birlashmasi feldsheri A.E. mahalliy fuqaroni hamshiralik lavozimiga ishga joylashtirish evaziga undan 1000 dollari talab qilib, 400 dollar va 1 million so‘m pullarni olayotgan vaqtida ashyoviy dalillar bilan ushlangan.
Iqtisodiy jinoyatlarga qarshi kurashish departamenti xodimlari bilan hamkorlikdagi yana bir tezkor tadbirda esa tumanlardan biridagi tibbiyot birlashmasi bo‘lim mudiri B.Y. mahalliy fuqaroni hamshira lavozimiga ishga joylashtirishni va’da qilib, undan 500 dollarni pora tariqasida olgan vaqtida ashyoviy dalillar bilan ushlangan.
Hozirda mansabdorlarga nisbatan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.
Avvalroq Navoiyda oliy toifali sud tibbiy eksperti 1,5 mln so‘m pora bilan qo‘lga tushgani, Ohangaronda fuqaroni metallurgiya kombinatiga ishga kiritish uchun 3 ming dollar so‘ragan shaxslar ushlangani to‘g‘risida xabar berilgandi.
Izoh (0)