Қашқадарё вилояти Деҳқонобод туманининг тоғли ҳудудида Қизил китобга киритилган қўнғир айиқ борлиги маълум бўлди. Бу ҳақда Давлат экология қўмитаси хабар қилди.
Туман экология бўлимининг хабар беришича, суратлар «Теракли» маҳалласи ҳудудида маҳаллий аҳоли томонидан олинган. Уларда она айиқни 2 та боласи билан кўриш мумкин.
Аввалроқ Ҳисор қўриқхонасидаги фотоқопқонга иккита қор қоплони тушгани хабар қилинганди. Шунингдек, Устюртдаги фотоқопқонга ноёб ҳайвон – Устюрт қўйи тушиб қолгани, бутунлай йўқ бўлиб кетиш арафасида турган морхўр ва унинг улоқчалари фотоқопқонга тушгани ҳақида хабар қилинганди.
Изоҳ (0)