Nukus shahrida issiqxona qurish uchun ajratilgan yer maydoni sotilishining oldi olindi, deb xabar beradi Bosh prokuratura huzuridagi departament.
Ma’lum qilinishicha, departament hamda DXXning Qoraqalpog‘iston Respublikasi boshqarmalari tomonidan IIV xodimlari bilan hamkorlikda tezkor tadbir o‘tkazilgan. Tadbirda P.Y. ismli shaxs o‘ziga shaharning “Allaniyaz Qahramon” MFY hududida issiqxona qurish uchun ajratilgan 9 sotix yer maydonini fuqaro T.ga firibgarlik yo‘li bilan 170 million so‘mga sotishga kelishgani aniqlangan. U kelishilgan puldan 80 million so‘mni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Zangiotada 5,9 milliard so‘m imtiyozli kredit mablag‘larini talon-toroj qilgan rahbarlar aniqlangani, Samarqandda o‘zgalar nomiga 156 million so‘m kredit rasmiylashtirgan sobiq bank xodimiga jinoyat ishi ochilgani to‘g‘risida xabar berilgandi.
Mavzuga doir:
Izoh (0)