Toshkentning Chilonzor tumanidagi Atlas savdo majmuasida arzonlashtirilgan narxda sotuv bo‘lmasligi to‘g‘risida xabar berilgandi. Toshkent shahar IIBBning ma’lum qilishicha, savdo majmuasi atrofida 18 mingga yaqin fuqaro to‘plangan.
22-aprel kuni ijtimoiy tarmoqlarda Uchtepa tumanidagi Atlas savdo majmuasidagi Mediapark do‘konida maishiy texnikalar uchun 80 foizgacha chegirma bo‘layotgani haqida xabarlar tarqaldi. Natijada 18 mingga yaqin fuqaro ushbu savdo majmuasi oldida to‘plangan.
“Savdo majmuasi bir vaqtning o‘zida bu kabi ko‘plab fuqarolarni qabul qilish imkoniga ega emasligi sababli, shuningdek, fuqarolarning xavfsizligini ta’minlash maqsadida yopildi. Hozirda huquqni muhofaza qiluvchi organlar tomonidan savdo majmuasidagi vaziyat nazoratga olindi”, — deyiladi xabarda.
Shuningdek, kun issiqiligi va tiqilinch bo‘lganligi sababli bir nafar ayol hushidan ketgan, shu yerning o‘zida u hushiga keltirilib, birinchi tibbiy yordam ko‘rsatilgan va uyiga yuborilgan.
Izoh (0)