Rossiyaga parvozlarni amalga oshirishga yo‘naltirilgan yana bir aviakompaniya MGA Aviation Antaliyada joylashadi. Bu haqda AirportHaber portali xabar berdi.
Kompaniya Rossiyaga parvozlarni yo‘lga qo‘yadi. Ammo faqat bu bilan cheklanib qolmay, kelajakda boshqa mamlakatlarga ham parvoz qilishni rejalashtirmoqda.
Aviakompaniya parkida bor-yo‘g‘i to‘rtta samolyot bo‘ladi – ikkita Boeing 737-900 va ikkita Boeing 777.
Kompaniyani qurish ishlari tez orada yakunlanishi rejalashtirilgan. Texnik, muhandislik, buxgalteriya, moliyaviy va logistika bo‘linmalari allaqachon tashkil etilgan.
Bu rossiyalik sayyohlarni uchun Turkiyada tashkil etilayotgan ikkinchi aviakompaniyadir
Aprel oyi o‘rtalarida Turkiya yangi Southwind tashuvchi aviakompaniyasi yaratganini e’lon qilgan edi.
Bu kompaniyalar Rossiya bozorini bo‘sh qoldirmaslik va bu mamlakatdan Turkiyaga kelayotgan sayyohlar oqimiga to‘sqinlik qilmaslik uchun kerak.
Ushbu aviakompaniyaning birinchi reyslari may oyining oxirida amalga oshirilishi rejalashtirilgan. Ma’lumot o‘rnida, Southwind beshta Airbus samolyotidan iborat.
Yangi aviakompaniyaning tashkil etilishi sanksiyalar ostida rossiyaliklarni Turkiyaga jalb qilish rejasining bir qismidir.
Uning doirasida rasmiylar, jumladan, Anex Tour, Pegas Touristik va Coral Travel turoperatorlariga jami 300 million dollar miqdorda kredit berishni muhokama qilgan.
Bundan tashqari, Turk Havo Yo‘llari turoperatorlar bilan sayyohlar uchun reyslarda 1,5 million o‘rin ajratishga kelishib olgan.
Shuningdek, Rossiyadan yana 500 ming turist Pegasus Airlines va “Rossiya” aviakompaniyalari tomonidan olib kelinishi kutilmoqda.
Avvalroq Termizdan Sankt-Peterburgga muntazam aviaqatnovlar tiklanishi haqida xabar berilgan edi.
Izoh (0)