Yaponiyaning fermuar ishlab chiqaruvchi eng yirik kompaniyasi mamlakatimizning ishlab chiqarish imkoniyatlari bilan qiziqyapti. Bu haqda Profashion xabar berdi.
Uchrashuv davomida davlatimiz to‘qimachilik sanoatining sarmoyaviy salohiyati va eksport imkoniyatlari haqida ma’lumot berildi.
Nishizako, o‘z navbatida, O‘zbekistondagi to‘qimachilik korxonalarining ishlab chiqarish quvvatlari haqida bilmoqchi bo‘lgan. Shuningdek, uni fermuarlar va perchinlar importi hamda O‘zbekistonga eksport qilinadigan va yetkazib beriladigan mahsulotlarning logistika yo‘nalishlari qiziqtirgan.
Muhsinxo‘ja Abdurahmonov vitse-prezident e’tiborini o‘zbek paxtasiga global boykot tugashi bilan jahon brendlari O‘zbekistonga jalb etilishiga, bu esa to‘qimachilik mahsulotlari eksporti oshishi uchun sabab bo‘lishiga qaratdi.
Tomonlar qo‘shma takliflarni, jumladan, YKK kompaniyasi bilan hamkorlikni yo‘lga qo‘yishga kelishib oldilar.
Avvalroq Cotton Campaign xalqaro koalitsiyasi O‘zbekiston paxtasiga e’lon qilingan global boykotni to‘xtatishi haqida xabar qilingan edi.
Izoh (0)