Bugun,

  • USD 11095.31
  • RUB 173.84
  • EUR 10772.44

Termiz shahridan Rossiyaning Sankt-Peterburg shahriga aviaqatnovlar 5-maydan boshlab tiklanmoqda, deb xabar beradi Uzbekistan Airways.

Qayd etilishicha, 2022-yil 5-maydan boshlab kompaniya Termiz—Sankt-Peterburg—Termiz xalqaro yo‘nalishidagi muntazam aviaqatnovlarni yo‘lga qo‘yadi. Parvozlar payshanba kunlari amalga oshiriladi. Reyslar jadvali quyidagicha:

  • Termizdan uchish: 08:55 (Toshkent vaqti bilan)
  • Sankt-Peterburgga yetib borish: 12:20 (Moskva vaqti bilan)
  • Sankt-Peterburgdan uchish: 13:50 (Moskva vaqti bilan)
  • Termizga yetib kelish: 21:00 (Toshkent vaqti bilan)
Termiz—Sankt-Peterburg yo‘nalishi bo‘yicha aviachipta narxi 1 million 961 ming 814 so‘mdan (bagajsiz) 2 million 160 ming 354 so‘mgacha (bagaj bilan), Termiz—Sankt-Peterburg—Termiz yo‘nalishi bo‘yicha esa 3 million 698 ming 660 so‘mdan (bagajsiz) 4 million 95 ming 738 so‘mgacha (bagaj bilan) bo‘ladi. Narxlar 8-aprel holatiga ko‘ra amal qiladi.

“Aviachiptalarni aviakompaniyaning rasmiy saytida, Uzbekistan Airways Sales filialida yoki aviakompaniya agentlaridan xarid qilish mumkin”, — deyiladi xabarda.

Eslatib o‘tamiz, Uzbekistan Airways Farg‘ona vodiysi shaharlaridan talab yuqori bo‘lgan yo‘nalishlar bo‘yicha parvozlar amalga oshirish uchun “Sharqiy xab” tashkil etishi xabar qilingandi. Unga ko‘ra, 2022-yilning 31-yanvaridan boshlab Uzbekistan Airways Express havo kemalarida Full Economy (to‘liq iqtisodiy sinf) tamoyili asosida Namangandan Rossiyaning 8 ta shahriga to‘g‘ridan to‘g‘ri muntazam aviaqatnovlarni amalga oshirish boshlanadi. Talab oshgani sayin Namangandan yo‘nalish tarmog‘ini kengaytirish ham ko‘rib chiqiladi. 30-yanvar kuni Namangan xalqaro aeroportidan “Sharqiy xab” loyihasi doirasidagi ilk parvoz amalga oshirilgan. Shuningdek, Krasnoyarsk shahriga 29-martdan boshlab muntazam aviaqatnovlar yo‘lga qo‘yilgan.

Izoh
Asosiy yangiliklar
Sport
Mahmud Murodovning navbatdagi jangi sanasi va manzili aniq bo‘ldi
Mahalliy
O‘zbekistonliklar uchun Qozog‘istonda ro‘yxatdan o‘tmasdan qolish muddati 30 kungacha uzaytirildi
Mahalliy
“2022-yilda uy-joy narxlari ikkilamchi bozorda 28 foizga, aholi real daromadi esa 9 foizga oshdi” – Markaziy bank raisi