“Real” La Liganing 33-turida “Osasuna” ustidan 3:1 hisobida g‘alaba qozondi.
Uchrashuvda “Real” ikki bor penalti tepish imkoniyatiga ega bo‘ldi, biroq Karim Benzemaning yo‘llangan zarbalarini darvozabon bartaraf etishga muvaffaq bo‘ldi.
34 yoshli hujumchi so‘nggi 16 yilda La Liganing bir o‘yinida ikkita penaltini noaniq amalga oshirgan ilk futbolchiga aylandi. 2006-yil aprelda “Espanyol” sobiq hujumchisi Raul Tamudo “Betis”ga qarshi o‘yinda ikkita penaltini havoga sovurgan edi.
Benzema mazkur statistika hisoblanishi boshlangan 2005/06-yilgi mavsumdan buyon La Ligada madridliklar safida eng ko‘p penaltidan foydalana olmagan futbolchiga aylandi. Fransuz shu vaqtga qadar 11 ta penalti tepgan va shulardan 4 tasi noaniq bo‘lgan.
Karim La Ligada bir o‘yinda ikkita penaltidan foydalana olmagan “Real” tarixidagi ilk futbolchi bo‘ldi. Benzema so‘nggi 5 ta penaltidan 3 tasini noaniq amalga oshirdi. Bunga qadar u dastlabki 21 ta 11 metrlik jarima zarbasining barchasini golga aylantirgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)