Futbol bo‘yicha Fransiya chempionatining 33-turida “PSJ” 20-aprel, chorshanba kuni “Anjer” bilan bahs yuritdi.
Uchrashuvning 28-daqiqasida Kilian Mbappe parijliklarning dastlabki golini urdi. Birinchi bo‘lim so‘ngida Serxio Ramos o‘z hisobiga gol yozdirib qo‘ydi. 77-daqiqada Markinyos hisobni yirik ko‘rinishga olib keldi. O‘yin so‘ngida parijliklar futbolchisi Eduar Mishyu qizil kartochka olib maydonni tark etdi.
Ushbu g‘alabadan so‘ng “PSJ” ochkolari sonini 77 taga yetkazdi va 2-o‘rindagi “Marsel”dan 15 ochko o‘tib ketib, 1-o‘rinni yanada mustahkamladi. “Anjer” 34 ochko bilan 14-pog‘onani band etgan.
Liga 1
33-tur bahslari
20-aprel, chorshanba
“Anjer” – “PSJ” 0:3
Goli: 0:1 – 28 Mbappe, 0:2 – 45 Ramos, 0:3 – 77 Markinyos.“Anjer”: Mandrea, Bamba, Traore, Toma, Eboss, Dumbiya, Fyuljeni (Kapel, 72), Bentaleb (Mendi, 72), Unai (Mangani, 78), Bufal (Ninga, 14), Cho (Yakolish, 78).
“PSJ”: Navas, Hakimi (Bitshiabu, 86), Ramos, Markinyos, Kerer, Bernat (Mendesh, 71), Veynaldum (Guye, 78), Danilu Pereyra, Ebimbe (Mishyu, 72), Di Mariya (Simons, 86), Mbappe.
Ogohlantirishlar: Bernat (42), Ebimbe (50), Dumbiya (88).
Chetlatish: Mishyu (90).
Izoh (0)