«Реал» Ла Лиганинг 33-турида «Осасуна» устидан 3:1 ҳисобида ғалаба қозонди.
Учрашувда «Реал» икки бор пенальти тепиш имкониятига эга бўлди, бироқ Карим Бенземанинг йўлланган зарбаларини дарвозабон бартараф этишга муваффақ бўлди.
34 ёшли ҳужумчи сўнгги 16 йилда Ла Лиганинг бир ўйинида иккита пенальтини ноаниқ амалга оширган илк футболчига айланди. 2006 йил апрелда «Эспаньол» собиқ ҳужумчиси Рауль Тамудо «Бетис»га қарши ўйинда иккита пенальтини ҳавога совурган эди.
Бензема мазкур статистика ҳисобланиши бошланган 2005/06 йилги мавсумдан буён Ла Лигада мадридликлар сафида энг кўп пенальтидан фойдалана олмаган футболчига айланди. Француз шу вақтга қадар 11 та пенальти тепган ва шулардан 4 таси ноаниқ бўлган.
Карим Ла Лигада бир ўйинда иккита пенальтидан фойдалана олмаган «Реал» тарихидаги илк футболчи бўлди. Бензема сўнгги 5 та пенальтидан 3 тасини ноаниқ амалга оширди. Бунга қадар у дастлабки 21 та 11 метрлик жарима зарбасининг барчасини голга айлантирганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)