Amerikada 2017-yilda asos solingan Independent Electric Vehicles kompaniyasi Nyu-Yorkda o‘zining birinchi mashinasi — Indi One elektromobilini namoyish etdi. U zamonaviy dizayn va to‘liq uzatmaga ega besh o‘rindiqli elektrokrossover ko‘rinishida, biroq e’tiborga molik jihati avtomobil ichida: bort qismidagi multimediya tizimi o‘rniga Indi One Windows operatsion tizimida ishlaydigan kompyuterga ega bo‘lgan. Uning yordami ishlash, videoo‘yinlar o‘ynash, foto va videolarni tahrirlash — to‘laqonli kompyuterda bajarish mumkin bo‘lgan barcha amallar bilan shug‘ullanish mumkin, deb xabar beradi Motor.
Vehicle Integrated computer (VIC) old panelga o‘rnatilgan ikkitalik sensorli panel ko‘rinishida, internetga chiqish uchun esa 5G modeli mavjud. Shuningdek, jamlanmadan mikrofon va beshta kamera o‘rin olgan bo‘lib, ularning uchtasi salonda joylashgan. Indi One’da videoo‘yin o‘ynash, jumladan, “harakat bilan sinxronlashtirish” mumkin.
Elektrokrossover panoramali tom va pnevmatik “podveska”ga ega. Standar Ini One’ning dastlabki versiyasi o‘rta uzatmali. U sig‘imi 75 kilovatt/soatga teng akkumulyatordan quvvatlanuvchi 279 ot kuchiga ega (410 Nm aylanuvchi moment) elektromotor yordamida harakatga keladi. Bu mashinaga bir marta quvvatlanish orqali 370 kilometrgacha harakatlanish imkonini beradi.
Elektromobilning Premium varianti ikkita dvigatel bilan jihozlangan — har bir o‘qqa alohida. Ular jami 482 ot kuchi (730 Nm) taqdim etadi, 95 kilovatt/soatli batareya esa 480 kilometr masofaga yetadi. Bunday versiyaning maksimal tezligi soatiga 209 kilometrga chiqadi, soatiga 100 kilometr tezlikka erishish uchun 4,2 soniya kifoya — xuddi BMX X7 kabi.
Independent Electric Vehicles AQSHda buyurtmalar olishni boshlagan. Mashina narxi 45 ming dollardan boshlanadi. Ayni vaqtda kompaniya elektromobilni sertifikatlashtirish va krash-testlardan o‘tkazish bilan shug‘ullanmoqda. Ishlab chiqarish jarayonlari 2023-yilga rejalashtirilgan.
Izoh (0)