Los-Anjeles huquq-tartibot idoralari Amerika megapolisi ko‘chalarining birida avtomobillar sakrab, yo‘l harakati qoidalarini buzayotgan yo‘lga duch keldi. Ashaddiy kaskadyorlarni o‘ziga jalb etayotgan ko‘cha Bakster-strit bo‘lib, uning qiyaligi 32 foizni tashkil etadi — oldinlari yo‘lning bu qismidan mutaxassislar avtomobil dvigatellarini tekshirishda foydalangan, hozir esa havaskorlar o‘z mashinalaridan sakrashlarni amalga oshirmoqda, deb xabar beradi “Motor”.
Video muallifining ma’lum qilishicha, uning “parvozi”, jumladan, olovli yo‘lakdan sakrash — Model S ushbu tryukni bajarishdan oldin tasvirga olingan.
“Kelinglar, avvalo bu ahmoqlar kabi bo‘lmaslikdan boshlaymiz va buni mustaqil takrorlashga urinmang. Ushbu tryuk xavfsizlik ta’minlangan va barcha zaruriy ruxsatlar olingan bir nechta yopiq ko‘chada amalga oshirilgan. Kaskadyor va suratga olish guruhining nomi oshkor etilmaydi. Yana bir bor — buni mustaqil takrorlamang”, — deydi AriAndCars.
Los-Anjeles politsiya departamentining yo‘l xavfsizligi bo‘yicha markaziy bo‘limi videorolik qahramonlarini qidirayotganini ma’lum qildi. Bakster-stritda sakragan qoidabuzarlar haqidagi ma’lumotlar uchun politsiya 1000 dollar miqdorida mukofot va’da qilgan.
Avvalroq Hyundai Creta xalqaro krash-testdan o‘ta olmagani, Toyota’ning yangi Tundra pikapiga to‘rt metr balandlikdan 227 kiloli dvigatel tashlangani to‘g‘risida xabar berilgandi.
Izoh (0)