Ijtimoiy tarmoqlarda Toshkent shahrida aeroport yonidagi temiryo‘ldan vagon-vagon harbiy texnikalar olib o‘tilgani haqida xabarlar tarqaldi. Mudofaa vazirligi holatga munosabat bildirdi.
Qayd etilishicha, vazirlikning asosiy tadbirlar rejasiga muvofiq har yili ta’mirlash zavodlari negizida kapital va o‘rta ta’mirdan chiqarilgan harbiy texnikalarni qo‘shinlarda rejaviy almashtirish ishlari amalga oshirilib boriladi.
“Ijtimoiy tarmoqlarda tarqalgan videoda aynan shu jarayonlar, ya’ni ta’minot va shaxsiy tarkibni tashish uchun mo‘ljallangan texnikalarning qo‘shinlariga yuborilishi aks etgan”, — deyiladi xabarda.
Avvalroq O‘zbekiston harbiylari Afg‘oniston hududidan raketalar bilan o‘qqa tutilgani haqidagi xabarlar rad etilgandi. Tashqi ishlar vazirligi O‘zbekiston Yamanda ikki oylik sulh va o‘t ochish to‘xtatilganini olqishlashini bildirgani, O‘zbekiston—Qirg‘iziston chegarasidagi otishmada ikki qirg‘izistonlik halok bo‘lgani haqida xabar berilgan.
Izoh (0)