Ижтимоий тармоқларда Тошкент шаҳрида аэропорт ёнидаги темир йўлдан вагон-вагон ҳарбий техникалар олиб ўтилгани ҳақида хабарлар тарқалди. Мудофаа вазирлиги ҳолатга муносабат билдирди.
Қайд этилишича, вазирликнинг асосий тадбирлар режасига мувофиқ ҳар йили таъмирлаш заводлари негизида капитал ва ўрта таъмирдан чиқарилган ҳарбий техникаларни қўшинларда режавий алмаштириш ишлари амалга оширилиб борилади.
«Ижтимоий тармоқларда тарқалган видеода айнан шу жараёнлар, яъни таъминот ва шахсий таркибни ташиш учун мўлжалланган техникаларнинг қўшинларига юборилиши акс этган», — дейилади хабарда.
Аввалроқ Ўзбекистон ҳарбийлари Афғонистон ҳудудидан ракеталар билан ўққа тутилгани ҳақидаги хабарлар рад этилганди. Ташқи ишлар вазирлиги Ўзбекистон Яманда икки ойлик сулҳ ва ўт очиш тўхтатилганини олқишлашини билдиргани, Ўзбекистон—Қирғизистон чегарасидаги отишмада икки қирғизистонлик ҳалок бўлгани ҳақида хабар берилган.
Изоҳ (0)