Rossiyaning Moskva shahrida ikki nafar bolasi bilan moliyaviy qiyin ahvolda qolgan ayol O‘zbekistonga qaytarildi. Bu haqda Tashqi mehnat migratsiyasi agentligi xabar berdi.
Ma’lum bo‘lishicha, Andijon viloyatida yashovchi fuqaro G.U.ga tanishlari Rossiyaning Moskva shahridan ish taklif qilgan. U 2021-yil dekabr oyida ikki nafar farzandi bilan Rossiyaga ishlash uchun jo‘nagan.
Ayol Moskvada ham qiynalgan, ish joyidan oylik maosh ololmagan. Turar joysiz, ko‘p qavatli uylarning yerto‘lalarida yashab yurgan, qurilish ishlarida mehnat qilgan.
“Yosh ayol ikki nafar farzandi bilan Xalqaro migratsiya tashkiloti mablag‘lari hisobidan va Tashqi mehnat migratsiyasi agentligi ko‘magida vatanga olib kelindi”, — deyiladi xabarda.
Bundan avval Sankt-Peterburg va Vladivostokda qiyin ahvolga tushib qolgan yosh bolali yana ikki ayol O‘zbekistonga qaytarilgandi.
Izoh (0)