Farg‘ona viloyati Farg‘ona shahrida fuqaroni aldab, noturar joy va pul mablag‘ini qo‘lga kiritgan shaxsga jinoyat ishi qo‘zg‘atildi. Bu haqda viloyat Ichki ishlar boshqarmasi xabar qildi.
Qayd etilishicha, 2021-yilning 18-noyabr kuni fuqaro M.E. IIBga murojaat qilgan. Unda shu kuni noma’lum shaxs uning ishonchiga kirib, aldov yo‘li bilan unga tegishli bo‘lgan 15 ming dollarlik noturar joyni o‘z nomiga rasmiylashtirib olganini ma’lum qilgan. Ushbu shaxs fuqaroning turar joyidan vaqtincha foydalanib, so‘ng qaytarib berish sharti bilan 3 ming dollar mablag‘ini olgan va pullar hamda noturar joyni qo‘lga kiritgan.
Holat yuzasidan Jinoyat kodeksining 168-moddasi (firibgarlik) 4-qismi “a” bandi bilan jinoyat ishi qo‘zg‘atilgan.
Olib borilgan tadbirlar natijasida ushbu jinoyatni O‘.S. sodir etgani aniqlanib, unga nisbatan sud tomonidan qamoqqa olish tarzida ehtiyot chorasi qo‘llanilgan.
Yuqorida ko‘rsatilgan jinoyatni sodir etgan shaxs o‘n yilgacha ozodlikdan mahrum qilish bilan jazolanishi mumkin.
Mavzuga doir:
- Buxoroda 27 kishiga Rossiyaga borish uchun qalbaki aviachipta sotgan shaxslar aniqlandi
- Qoraqalpog‘istonda boqish uchun baliq yetkazib berishini aytib, fuqarolarni 670 mln so‘mga chuv tushirgan shaxslar aniqlandi
- Samarqandda xorijdan o‘qishni ko‘chirish uchun qalbaki hujjat tayyorlab berish evaziga 2 ming dollar olgan shaxs ushlandi
Izoh (0)