Россиянинг Москва шаҳрида икки нафар боласи билан молиявий қийин аҳволда қолган аёл Ўзбекистонга қайтарилди. Бу ҳақда Ташқи меҳнат миграцияси агентлиги хабар берди.
Маълум бўлишича, Андижон вилоятида яшовчи фуқаро Г.У.га танишлари Россиянинг Москва шаҳридан иш таклиф қилган. У 2021 йил декабрь ойида икки нафар фарзанди билан Россияга ишлаш учун жўнаган.
Аёл Москвада ҳам қийналган, иш жойидан ойлик маош ололмаган. Турар жойсиз, кўп қаватли уйларнинг ертўлаларида яшаб юрган, қурилиш ишларида меҳнат қилган.
«Ёш аёл икки нафар фарзанди билан Халқаро миграция ташкилоти маблағлари ҳисобидан ва Ташқи меҳнат миграцияси агентлиги кўмагида ватанга олиб келинди», — дейилади хабарда.
Бундан аввал Санкт-Петербург ва Владивостокда қийин аҳволга тушиб қолган ёш болали яна икки аёл Ўзбекистонга қайтарилганди.
Изоҳ (0)