Isroil Vladimir Putin va Vladimir Zelenskiyning ehtimoliy uchrashuvini qabul qilishga tayyor. Bu haqda mamlakatning Rossiyadagi elchisi Ben Svi “TASS”ga bergan intervyusida ma’lum qildi. U buning uchun prezidentlar “bu boradagi tegishli qarorni qabul qilishi kerakligi”ni ta’kidlagan.
“Rossiya Ukraina delegatsiyasini qabul qilishga tayyormiz. Turkiyada bo‘lgan ishni bizda ham amalga oshirish mumkin”, — deya qo‘shimcha qiladi diplomat.
Ben Svining ma’lum qilishicha, Isroil Ukraina uchun xavfsizlik kafolati bo‘lish to‘g‘risidagi iltimosga agarda u ham Moskva, ham Kiyevdan kelsa javob qaytaradi.
12-mart kuni Zelenskiy Isroilni “va ayniqsa, Quddusni” Putin bilan uchrashuv o‘tkazish mumkin bo‘lgan joy deb atagandi. 21-mart kuni u ushbu pozitsiyani qaytargan: “Agarda buning imkoni bo‘lsa, bu tinchlikka erishish uchun eng to‘g‘ri joy”.
Ikki mamlakat yetakchilarining uchrashuvini tashkillashtirish taklifini bundan oldin Turkiya va Ozarbayjon ham bildirgandi.
3-aprel kuni Rossiya prezidentining matbuot kotibi Dmitriy Peskov Putin va Zelenskiyning uchrashuvi ikki mamlakat delegatsiyalari aniq kelishuvni ishlab chiqqanidan keyin amalga oshishini ma’lum qilgan. 5-aprel kuni esa Ukraina prezidenti Buchada sodir bo‘lgan voqealardan keyin Rossiya bilan muzokaralarni davom ettirish qiyin bo‘lishini aytgandi.
Eslatib o‘tamiz, Rossiya va Ukraina vakillari 28-fevral, 3 va 7-mart kunlari Belarusda yuzma-yuz uchrashdi, shundan so‘ng, ular muzokaralarni videoformatda davom ettirildi. 29-mart kuni Erdo‘g‘on tashabbusi bilan Istanbul o‘tgan muzokaralar vaqtida Kiyev Moskvaga vaziyatni siyosiy yo‘l bilan hal etishga qaratilgan o‘z yozma takliflarini taqdim qilgan, ularda jumladan Ukrainaga betaraflik maqomini berish nazarda tutilgan. Rossiya Kiyev va Chernigovsk hududlaridagi urush harakatlari to‘xtatilishini va’da qilgan, shuningdek Putin hamda Zelenskiy uchrashuvi o‘tkazilishi mumkinligini inkor etmagan. Rossiya delegatsiyasi rahbari Vladimir Medinskiyning aytishicha yuqori darajadagi muzokaralar tinchlik kelishuvi yoki tashqi ishlar vazirlari boshqa hujjatni imzolaganidan keyin boshlanishi mumkin.
Izoh (0)