AQSH, Buyuk Britaniya va Kanada Ukrainaga artilleriya qurollarini yuborish niyatida. Mamlakat harbiylari ushbu qurollardan Rossiya tomonidan Donbassga amalga oshiriladigan hujumni qaytarishda foydalanishi mumkin, deb xabar beradi Reuters.
Uchrashuvdan so‘ng Germaniya kansleri Olaf Shols Ukrainaga harbiy va moliyaviy yordam ko‘rsatish masalasi haqida gapirgan. Uning so‘zlariga ko‘ra, NATO oldingidek to‘g‘ridan to‘g‘ri mojaroda ishtirok etmoqchi emas, biroq G‘arb davlatlari Ukraina hukumatiga zarur yordamni ko‘rsatishda davom etadi. Sholsning hisoblashicha, “Katta sakkizlik” doirasida Kiyevga 50 milliard yevro miqdorida moliyaviy yordam ko‘rsatilishi mumkin.
Shu bilan birga, Germaniya kansleri Bundesverning qurol-yarog‘ yetkazib berish masalasidagi zaxiralarning katta qismi sarflab bo‘linganini ta’kidlagan. Uning qo‘shimcha qilishicha, Germaniya hukumati Ukraina uchun qurol-yarog‘ yetkazishda mudofaa korxonalariga murojaat qilgan va uning xaridini moliyalashtirishga tayyor.
“YI va NATOdagi sheriklarimiz bilan Rossiya ushbu urushni yutishi kerak emas degan yakdil fikrdamiz”, — deydi Shols. U Rossiya prezidenti Vladimir Putinni “dahshatli urushni to‘xtatishga” chaqirgan.
Aprel boshida AQSH Senati Ukrainaga lend-liz dasturi bilan qurol yetkazib berish haqidagi qonun loyihasini ma’qullagandi. Qonun Jo Baydenga Ukrainaga qurol va boshqa yordamlar yetkazib berishni tezlashtirish imkonini beradi.
Izoh (0)