Chegarani qo‘riqlayotgan askarlar va minani zararsizlantirayotgan sapyorlar. Urushning 55-kunidan fotoreportaj
Ukrainada urush boshlanganidan buyon ellik besh kun o‘tdi. Pentagon ma’lumotlariga ko‘ra, Rossiya o‘z kuchlarini Donbassda jamlashda davom etmoqda. BMT hisob-kitoblarida urush qurbonlari soni ikki ming kishidan oshgani aytiladi. Shu bilan birga, “Ukrayinskaya pravda” Kiyev viloyatining rus qo‘shinlari ishg‘ol qilib ketgan hududlarida mingdan ortiq qurbonlar borligi haqida yozgan. Mariupolda shahardagi so‘nggi qarshilik markazi bo‘lgan “Azovstal”ga hujum davom etmoqda. Meduza urushga oid 19-aprel suratlarini jamladi.
Mariupol
Ukrainadagi eng yirik dengiz savdo portlaridan biri — Mariupol porti bugun shunday ko‘rinishda. Bir hafta oldin Rossiya Mudofaa vazirligi port rus qo‘shinlari tomonidan nazoratga olinganini ma’lum qilgandi.Foto: “TASS”
O‘zini o‘zi respublika deb e’lon qilgan Donetsk maxsus kuchlari razvedka ishlarini olib bormoqda. Mariupolning katta qismi Rossiya va rossiyaparast kuchlar nazoratida.Foto: “Kommersant”
Yo‘l chetidagi yonib ketgan avtobuslar.Foto: Reuters
Yo‘l bo‘yidagi qabr yonida turgan qizcha.Foto: “TASS”
Kiyev viloyati
Irpenlik ayol qarindoshining tobuti ustida.Foto: Reuters
Bombardimon qilingan binodagi kvartiradan Makarov posyolkasining ko‘rinishi.Foto: Getty Images
Bucha shahridagi cherkovda ayollar gumanitar yordam olishmoqda. Urushning eng dahshatli timsollaridan biriga aylangan ushbu shaharda hamon suv, gaz va elektr yo‘q.Foto: AP Photo
Kiyev viloyatining Ivankovskiy tumanidagi Kuxari nomli kichik qishloq ham urush paytida harbiy harakatlar maydoniga aylandi. Suratda 70 yoshli mahalliy aholi vakili vayron bo‘lgan ko‘prik ustiga chiqmoqda.Foto: Reuters
Irpenda minani zararsizlantirayotgan sapyor. Ukraina rasmiylarining aytishicha, rus harbiylari chekingan hududlarda o‘n minglab minalar qolgan. Hozir Kiyev viloyati to‘liq Ukraina nazorati ostida.Foto: AP Photo
Moshun qishlog‘ida sapyorlar portlovchi moddalarni to‘plamoqdaFoto: AP Photo
Nikolayev viloyati
Ukraina askarlari Nikolayev va Xerson viloyatlari o‘rtasidagi chegarani qo‘riqlamoqda.Foto: Zuma Press Wire
Harbiylar Nikolayevdagi front chizig‘iga ko‘z-quloq bo‘lib turibdi.Foto: Zuma Press Wire
Ukrainalik askar yerto‘lada kechki ovqat tayyorlamoqda.Foto: Zuma Press Wire
Donbass shimoli
Ukraina nazorati ostidagi Kramatorsk shahrida politsiyachi raketa hujumi oqibatida halok bo‘lgan erkakning jasadi ustini yopmoqda. So‘nggi kunlarda otishmalar kuchaydi — Ukraina tomoni Rossiya armiyasi Donbass uchun jang boshlaganini aytdi.Foto: Reuters
Kramatorskdagi zavodning portlatilishidan jabrlanganlarga birinchi yordam ko‘rsatilmoqda.Foto: AP Photo
Xarkov
O‘qqa tutilgan turar joy binosi. Rossiya qo‘shinlari so‘nggi kunlarda Xarkov viloyatidagi mudofaa chizig‘ini yorib o‘tishga harakat qilmoqda.Foto: AP Photo
Xarkovdagi o‘t o‘chiruvchilar va qutqaruvchilarning bosh qarorgohi.Foto: Anadolu
O‘t ochiruvchi va qutqaruvchilarning o‘zi.Foto: Anadolu
Xarkovdagi ko‘chada mahalliy aholi.Foto: Reuters
Rossiya qo‘shinlari hujumidan halok bo‘lgan mahalliy aholi vakili.Foto: AP Photo
Izoh (0)