Исроил Владимир Путин ва Владимир Зеленскийнинг эҳтимолий учрашувини қабул қилишга тайёр. Бу ҳақда мамлакатнинг Россиядаги элчиси Бен Цви «ТАСС»га берган интервьюсида маълум қилди. У бунинг учун президентлар «бу борадаги тегишли қарорни қабул қилиши кераклиги»ни таъкидлаган.
«Россия Украина делегациясини қабул қилишга тайёрмиз. Туркияда бўлган ишни бизда ҳам амалга ошириш мумкин», — дея қўшимча қилади дипломат.
Бен Цвининг маълум қилишича, Исроил Украина учун хавфсизлик кафолати бўлиш тўғрисидаги илтимосга агарда у ҳам Москва, ҳам Киевдан келса жавоб қайтаради.
12 март куни Зеленский Исроилни «ва айниқса, Қуддусни» Путин билан учрашув ўтказиш мумкин бўлган жой деб атаганди. 21 март куни у ушбу позицияни қайтарган: «Агарда бунинг имкони бўлса, бу тинчликка эришиш учун энг тўғри жой».
Икки мамлакат етакчиларининг учрашувини ташкиллаштириш таклифини бундан олдин Туркия ва Озарбайжон ҳам билдирганди.
3 апрель куни Россия президентининг матбуот котиби Дмитрий Песков Путин ва Зеленскийнинг учрашуви икки мамлакат делегациялари аниқ келишувни ишлаб чиққанидан кейин амалга ошишини маълум қилган. 5 апрель куни эса Украина президенти Бучада содир бўлган воқеалардан кейин Россия билан музокараларни давом эттириш қийин бўлишини айтганди.
Эслатиб ўтамиз, Россия ва Украина вакиллари 28 февраль, 3 ва 7 март кунлари Беларусда юзма-юз учрашди, шундан сўнг, улар музокараларни видеоформатда давом эттирилди. 29 март куни Эрдўғон ташаббуси билан Истанбул ўтган музокаралар вақтида Киев Москвага вазиятни сиёсий йўл билан ҳал этишга қаратилган ўз ёзма таклифларини тақдим қилган, уларда жумладан Украинага бетарафлик мақомини бериш назарда тутилган. Россия Киев ва Черниговск ҳудудларидаги уруш ҳаракатлари тўхтатилишини ваъда қилган, шунингдек Путин ҳамда Зеленский учрашуви ўтказилиши мумкинлигини инкор этмаган. Россия делегацияси раҳбари Владимир Мединскийнинг айтишича юқори даражадаги музокаралар тинчлик келишуви ёки ташқи ишлар вазирлари бошқа ҳужжатни имзолаганидан кейин бошланиши мумкин.
Изоҳ (0)